網民第一次睇《死亡筆記》有感:作者夾硬要夜神月輸?L死咗之後可以唔睇

網民第一次睇《死亡筆記》有感:作者夾硬要夜神月輸?L死咗之後可以唔睇

當你問90後睇過邊套漫畫係好精彩難忘,相信《死亡筆記》一定係大熱之選!不過戴返個頭盔先,係《死亡筆記》夜神月同L鬥智嘅上半部就超精彩,L死後嘅下半部就真係「好打有限」。最近連登又再次討論起《死亡筆記》,事隔多年,松田嘅「你個腦裝屎架?」仲係記憶猶新之餘,對於下半部嘅評價依然覺得唔好睇!

撰文:馬高斯 |圖片來源:連登、死亡筆記|編輯:海月

想當年可能上半部L嘅表演太好,雙方互鬥嘅策略太高章,太有驚喜,你會唔會諗到阿月喺薯片袋入面寫名殺人;L好快就判斷到奇拿就喺日本,仲好快手就盯中阿月;仲有阿月各種層出不窮運用死亡筆記嘅手法,當時睇到拍晒手掌!但係有網民開po話,自從睇到L死咗之後,就想放棄唔再睇落去:

第一次睇死亡筆記,睇到第25集L死,心諗total 37集,應該係假死啦,點知睇多兩集,直接由2007年跳去2012年,上網google,L真係死__左,成個人都接受唔到,之後仲有十集,點頂???

網民第一次睇《死亡筆記》有感:作者夾硬要夜神月輸?L死咗之後可以唔睇

【動漫】作者格硬要夜神月輸!L死咗之後嘅《死亡筆記》可以唔睇

好喇,之後L死咗,大家都覺得已經有個了斷,點知原來L有後繼人,不過N同M嘅表演就相對失色。始終JUMP係一本日本嘅國民級漫畫雜誌,入面大部份都係好王道嘅作品,所以無理由畀壞人贏,於是就出新角色去對付主角,再出多幾個豬隊友,跟手再格硬推低夜神月嘅智商:

全世界公認L死左當完 後面當平行時空after story就OK!
為左搞死夜神月 格硬將夜神月畫到變ONX仔,智商降左一半,班部下又聰明左一倍。

夜神月最終被寫成「天才變百痴」而落敗
夜神月最終被寫成「天才變百痴」而落敗

當然喇,繼續出落去背後有好大理由就係錢,當時《死亡筆記》人氣好高,JUMP無理由斬斷自己條米路。其實之後大場鶇同小畑健呢個組合嘅另一套作品《爆漫》中亦有暗示,本來故事係L死嘅時候完結,點解之後繼續出大家都心知肚明:

原作者原本都打算去到L死就完,係垃圾JUMP夾硬逼作者寫死夜神月,先有後面個堆夜神月降智商操作。

有網民更因結局大失所望,作不少對白改圖
有網民更因結局大失所望,作不少對白改圖

不過講又咁講,就算漫畫完結,仍然不停翻拍電影同日劇,更有netflix老外版,上年仲有外傳短篇作品,可見《死亡筆記》嘅人氣同地位有幾高!

Netflix版西人版死亡筆記
Netflix版西人版死亡筆記
日本亦有推出原著後續故事電影,不過成績就非常差
日本亦有推出原著後續故事電影,不過成績就非常差

去呢度睇返連登原文

YOU MAY ALSO LIKE ...