【執屋】老婆講笑:賣晒所有玩具!6招教港男解決土地問題

【執屋】老婆講笑:賣晒所有玩具!6招教港男解決土地問題

【執屋】女人買名牌手袋買化妝品,男人買玩具買模型,不過香港地少人多,人住都咁難,何況喺屋企擺玩具收藏呢。所以往往都無法擺脫「斷捨離」嘅命運,當提起呢個問題,就會世界大戰抹黑宇宙了。ViuTV節目《執屋》最新一集,就去咗玩具收藏迷屋主Juno嘅屋企,佢哋一家三口好快變四口,要喺擺放極多玩具嘅屋企,整理出空間迎接第二胎嘅嚟臨,真係R晒頭,就睇吓執屋小隊有咩好方法!

撰文:馬高斯 |圖片來源:《執屋》|編輯:海月

【執屋】老婆講笑:賣晒所有玩具!6招教港男解決土地問題

屋主Juno同太太Angel,仲有2歲半阿女共住兩房一廳嘅單位,不過Juno有個夢想就係好想砌模型同瞓覺嘅地方分開,於是決定細房用嚟做模型房。不過BB就8月底出世,兩公婆商量後決定忍痛將模型房改裝成兩個小朋友嘅房。

【斷捨離】老婆講笑話賣晒所有玩具!《執屋》幫港爸解決土地問題

【斷捨離】老婆講笑話賣晒所有玩具!《執屋》幫港爸解決土地問題

主持人眼見屋入面玩具多到數唔晒,就問吓Juno總數有幾多件同用咗幾多錢。小編都係玩具迷,1000%肯定同屋主答案一樣,自己都無數過,而Juno仲答「投資」咗大約10萬蚊喺玩具上面。

【斷捨離】老婆講笑話賣晒所有玩具!《執屋》幫港爸解決土地問題太太Angel仲講笑咁話,自己網上留言不如賣晒老公啲模型。好彩係講笑炸,如果真係賣晒佢,好可能出命案!而且Angel唔鍾意執嘢,亦好彩佢都明白,一個容忍對方啲玩具,一個容忍對方唔執嘢。

【斷捨離】老婆講笑話賣晒所有玩具!《執屋》幫港爸解決土地問題

【斷捨離】老婆講笑話賣晒所有玩具!《執屋》幫港爸解決土地問題依小編所見,收藏玩具其實好小事,閉就閉在唔識善用空間去擺放,只會搞到啲無謂雜物又多又亂。節目入面教咗幾招執屋大法,真係幾有用!令到屋企多返啲空間之餘,世界一定和平咗!

【斷捨離】老婆講笑話賣晒所有玩具!《執屋》幫港爸解決土地問題

【斷捨離】老婆講笑話賣晒所有玩具!《執屋》幫港爸解決土地問題

執屋大法

第1招

電池擺太耐有機會觸發漏電危險,所以揼之前要用膠紙封好電池兩邊,防止漏電!

第2招

利用膠箱收藏一啲細小物品,同埋香港比較潮濕記住加防潮珠!

第3招

收納小朋友玩具可用透明細箱分門別類,同時方便小朋友執玩具。

第4招

要用小朋友邏輯同行為去分類玩具

第5招

用相片或貼紙嘅標籤,等小朋友容易理解。

第6招

大人將「執玩具」以遊戲方式進行,培養小朋友(仲有家長)執拾的習慣

 

經過執屋小隊嘅努力後,尚算整齊咗,小編都係建議Juno租吓迷你倉好啲!

【斷捨離】老婆講笑話賣晒所有玩具!《執屋》幫港爸解決土地問題

YOU MAY ALSO LIKE ...