《哈利波特》20週年!首間旗艦店登陸紐約百老匯大街

《哈利波特》20週年!首間旗艦店登陸紐約百老匯大街

佛地魔、「去去武器走」呢啲魔法咒語,8、90後香港人一定好深刻,想當年《哈利波特》熱潮好犀利,睇完電影之後,個個同學都攞住本厚到乜咁嘅書去追原作小說。原來唔經唔覺,第一套電影上映都已經20週年,喺紐約百老匯大街935號,就開設全球首間《哈利波特》旗艦店,售賣各款週邊商品之外,仲有唔少電影場景可以打卡!

撰文:馬高斯 |圖片來源:[email protected] Potter Collector|編輯:海月

《哈利波特》20週年

《哈利波特》係英國作家 JK 羅琳推出嘅系列小說,故事舞台係奇幻嘅魔法世界,可以話係廣受全球大人同細路喜愛。去到 2001 年,《哈利波特》電影版正式面世,橫跨10年都有續作電影陪住唔少人成長,而系列電影最終篇《哈利波特:死神的聖物2》就喺 2011 年上映。雖然電影完結,但係仲有《怪獸與牠們的產地》、《哈利波特》舞台劇,甚至手機遊戲,依然延續魔法熱潮!

《哈利波特》20週年!首間旗艦店登陸紐約百老匯大街
《哈利波特》係英國作家 JK 羅琳推出嘅系列小說,故事舞台係奇幻嘅魔法世界,可以話係廣受全球大人同細路喜愛。

15個場景打卡位

正好今年係《哈利波特》電影面世20週年,喺紐約百老匯大街935號就開設全球首間《哈利波特》旗艦店!旗艦店一共3層,超過560坪大空間,除咗大量週邊商品令哈波迷花多眼亂之外,更有15個主題區等住大家去打卡留念!,例如霍格華茲校長鄧不利多飼養嘅鳳凰「佛客使」雕像,會喺入口處迎接大家,亦有魔法部電話亭、海格嘅靴子等擺設,等住大家去發掘!

《哈利波特》20週年!首間旗艦店登陸紐約百老匯大街
正好今年係《哈利波特》電影面世20週年,喺紐約百老匯大街935號就開設全球首間《哈利波特》旗艦店!

爆買哈利波特精品

哈利波特旗艦店商品多多,從相片中可見,有超齊全嘅魔杖、貓頭鷹、家庭小精靈「多比」嘅毛公仔,亦有 1:1 飛天掃把「光輪2000」,相信哈利迷一定睇得眼睛發晒光!

《哈利波特》20週年!首間旗艦店登陸紐約百老匯大街
哈利波特旗艦店商品多多
《哈利波特》20週年!首間旗艦店登陸紐約百老匯大街
有超齊全嘅魔杖、貓頭鷹、家庭小精靈「多比」嘅毛公仔,亦有 1:1 飛天掃把「光輪2000」
《哈利波特》20週年!首間旗艦店登陸紐約百老匯大街
相信哈利迷一定睇得眼睛發晒光!

兩大VR互動體驗

另外,旗艦店增設有唔同嘅互動,除咗購買魔杖時,會有特殊互動裝置之外,仲有「霍格華茲之亂(Chaos at Hogwarts)」同「巫師齊飛(Wizards Take Flight)」兩大VR體驗,等大家買得開心又玩得開心!

《哈利波特》20週年!首間旗艦店登陸紐約百老匯大街
另外,旗艦店增設有唔同嘅互動
《哈利波特》20週年!首間旗艦店登陸紐約百老匯大街
有「霍格華茲之亂(Chaos at Hogwarts)」同「巫師齊飛(Wizards Take Flight)」兩大VR體驗,等大家買得開心又玩得開心!

YOU MAY ALSO LIKE ...