入男廁

女同事入錯男廁 令去緊廁所嘅男同事收HR警告信?網民紛紛鬧爆

網絡熱話

廣告

男人入男廁,女人入女廁喺再正常不過嘅事。不過近日有網民嘅發文顛覆大家想象。有網民表示有女同事入錯男廁,反而到人事部投訴男同事喺度拉褲鏈,而人事部又真係出警告信?

入男廁 警告信 網民發文表示女同事入錯男廁,反而係男同事收警告信。
網民發文表示女同事入錯男廁,反而係男同事收警告信。(圖片來源:《男親女愛》劇照)

喺男廁拉褲鏈收警告信?

有網民喺Facebook專頁「奴工處」發文分享返工奇趣事。該網民表示「女同事入錯男廁,見到咁啱拉緊褲鏈嘅我。佢竟然走咗去投訴我行為不當。而公司HR又真係出封警告信畀我,話我係男廁冇適當穿著,騷擾女同事。咁都得?我係咪要去一去平機會?」事件相當匪夷所思,亦令當事人好疑惑,發文問網民喺唔喺應該平機會投訴。

入男廁 警告信 網民質疑今次事件處理不當。
網民質疑今次事件處理不當。(圖片來源:《男親女愛》劇照)

網民控訴人事部處理不當

事件引起網民熱烈討論,部分網民質疑該公司人事部處理不當。「條女On X ,間公司仲On X」、「應該去平機會告間公司hr」、「個HR咁戇居, 出埋信 Black and white畀你証明個女同事入過男廁」。人事部發出嘅警告信反而提供到證據幫事主證明今次事件。

入男廁 警告信 網民評論
網民評論(圖片來源:[email protected]奴工處)
入男廁 警告信 網民評論
網民評論(圖片來源:[email protected]奴工處)

熱心網民諗計幫事主解決

網民紛紛幫男同事諗計處理今次事件。「你跟佢入番女廁再去搵HR出封warning比佢先岩」、「報警告個女同事入男廁啦」,亦有網民提議可以寫封道歉信表示「自己唔應該喺男廁入面拉褲鏈俾佢見到,令佢覺得尷尬好對唔住」,並係公司群組提醒各位男同事「千祈唔好喺男廁入面拉褲鏈,呢種行為非常之不當同可恥」。

入男廁 警告信 網民評論
網民評論(圖片來源:[email protected]奴工處)
入男廁 警告信 網民評論
網民評論(圖片來源:[email protected]奴工處)

不過亦有網民表示「女人入男廁,男人收警告信,男人入女廁,男人入監倉」、「總之女人就係無敵,如果件事係男同事入錯女廁,男同事已經坐咁監」網民覺得如果今次事件男女調轉身份,結局可能會更加嚴重。

入男廁 警告信 網民評論
網民評論(圖片來源:LIHKG區截圖)
入男廁 警告信 網民評論
網民評論(圖片來源:LIHKG區截圖)

圖片來源:《男親女愛》劇照, LIHKG區截圖, [email protected]奴工處

YOU MAY ALSO LIKE ...