麥當勞叔叔都失業!中國「金拱門」推二次元角色「開心姐姐」 網民:咁熟口熟面

麥當勞叔叔都失業!中國「金拱門」推二次元角色「開心姐姐」 網民:咁熟口熟面

【麥當勞叔叔都失業】中國版「麥當勞」繼改名為「金拱門」之後又有驚人新搞作,最近踢走麥當勞標誌麥當勞叔叔,改用二次元角色「開心姐姐」,但就畀眼利嘅網友發現「開心姐姐」疑似抄襲日本虛擬偶像「絆愛」,到底誰是誰非呢?

撰文:Odin |圖片來源:網上圖片 |編輯:海月

麥當勞叔叔都失業!中國「金拱門」推二次元角色「開心姐姐」 網民:咁熟口熟面

中國「金拱門」推金開心姐姐取代麥當勞叔叔

中國「金拱門」推金開心姐姐取代麥當勞叔叔

至於「金拱門」點解釋呢單嘢,佢地就話「開心姐姐」角色係取材於門市一位女店員,當日佢為咗同一位小朋友慶祝生日,特登著成套粉紅色衫配埋粉紅色頭帶扮演開心姐姐,「金拱門」就拎咗呢單嘢嚟做設計概念,而「開心姐姐」設計一啲都唔馬虎,「金拱門」重將佢打造成一位唱跳型偶像,身高為165公分、摩羯座、生日1月1日。早前「金拱門」重係微博搞咗個募集名字活動畀大家投票改名,但選項就固定為「金開心」、「樂小悠」及「金小兮」三個,「金開心」就排第一、而「樂小悠」及「金小兮」就分別排第二及第三。

中國「金拱門」推金開心姐姐取代麥當勞叔叔

中國「金拱門」推金開心姐姐取代麥當勞叔叔

雖然「金拱門」滿心期待將「開心姐姐」打造成一位唱跳型偶像,重話佢識示範跳舞畀小朋友睇,兼且會為小朋友舞蹈打分咁話,重會講故事畀小朋友聽,務求主打小朋友市場,不過網民就唔多受落,始終麥當勞叔叔極具代表性,加上作為最家喻戶曉嘅品牌代言人,搵個亳無代表性嘅虛擬角色難以深入民心,加上「開心姐姐」被指疑似抄襲日本虛擬偶像「絆愛」,跳嘅又係日及韓系舞蹈,甚至畀讚動作都係模仿南韓人,有網民就建議跳中國大媽的廣場舞會更適合,加上徵名活動三個選擇都相當老土,網民發揮強大創意,建議將角色改為「金拱姬」、「麥香姬」、「麥當娜」會更吸引咁話,聽落都幾搞笑,而相比改名同舞蹈,更多人希望唔好踢走代表人物麥當勞叔叔,「開心姐姐」未出道就咁唔受落,會唔會未出場就完場?

中國「金拱門」推金開心姐姐取代麥當勞叔叔

中國「金拱門」推金開心姐姐取代麥當勞叔叔

YOU MAY ALSO LIKE ...