網友嚴選 十個TVB穿崩鏡頭！調轉部電話講嘢、戲服重複又重複？

網友嚴選 十個TVB穿崩鏡頭！

1)回到三國 打仗一隻馬都冇？

網友指大台的《回到三國》，是描述三國時代打仗的劇集，不過在戲中，無論是諸葛亮、馬明、關公都是行路打仗，在劇中從來沒有見過一隻馬！而當中有一場戲講到見到熊貓，CG技術更令人嘩然！

2)戲服重重複複又重複

其實TVB的戲服重複使用都唔係新鮮事，不過重複得太多就令人留意到啦！好像網友就尋找到不少被重複使用的戲服，當中更指飾演《衝上雲霄》的唐亦琛機長的吳鎮宇，戲服由《難兄難弟》著到去《衝上雲霄2》！

3)賞月食糖水，咁遲先call我哋

與陳豪的「同朕Check吓」不相伯仲，在民初時期，古代人英文底子都有返咁上下！

4)高樓大廈入鏡

話到明穿崩，當然唔少得古代劇出現高樓大廈啦！網友就指除了戲中出現大廈外，就連電視劇照、海報都出現大廈，更於古代出現支裝烏龍茶！

5）調轉部電話講嘢

網友搵到唔少TVB 主角聽電話的鏡頭，不過就發現一個共通點，就是將電話掉轉講嘢，到底主角們留唔留意到呢？

6）經典穿崩鏡頭 陳豪：同朕再check吓

要穿到經典中的經典，陳豪當然不能不提！在古代貴為皇帝的陳豪，居然在劇中叫人幫佢「Check下」，成為萬世敬仰的穿崩劇！不過網友再同場加映陳豪的穿崩鏡頭，在鏡頭前，穿著中式戲服的陳豪，口袋居然有發光手機！

7) 貨van亂入古裝劇

穿崩鏡頭大多是古裝劇出事，好像古裝張繼聰身後，就出現了現代人的送貨Van，駕駛速度都有返咁上下！之後張繼聰都有恥笑自己的穿崩位！

8)上一秒仲係日頭 下一秒就天黑

由於TVB多數是分鏡拍攝，所以天氣狀態都是一個拍劇考量之一，但亦是令穿崩機率提升！好似網友就搵到一個「上一秒仲係日頭 下一秒就天黑」的鏡頭，可以見到一秒前主角開始跌落橋底是朝早，一秒後跌完就變天黑！

9)C Drive上網大法

在TVB劇，經常都有影到主角上網的版面，有網友就眼利見到每一次都是C drive上網，更被網友恥笑！

10)海報穿崩！馬德鐘有三隻手

除了劇集外，穿崩鏡頭都去到海報上面，《東山飄雨西關情》的海報上，馬德鐘抱緊佘詩曼，卻有第三個人的手，到底隻手係邊個呢？

資料來源：連登討論區