Tomy出JR磁浮列車玩具 行極速500km/h!

大家都知磁浮列車以快速見稱,上個月日本JR磁浮列車更以 603km/h 刷新咗有車廂車輛喺地上嘅極速紀錄。而家你可以擁有呢卡極速火車!事關日本Takara Tomy公布將會喺 9 月推出首款磁浮列車玩具,聲稱比例上可以行極速 500km/h!

當然啦,呢個「500km/h」數字,只係以呢卡玩具列車 1/90 比例嚟計算,實際佢極速可行7km/h,以玩具火車嚟講都係最快㗎啦!雖然係玩具,但佢行駛時同真嘅磁浮列車一樣會浮起,同路面距離約 2mm 。呢組玩具定價為日圓37,800,即約港幣$2,376。

text-Jessie photo-網上圖片

呢款玩具由四輛車卡組成,路軌長寬 1,929 x 848 mm,列車寬度係32mm。列車係繞圈咁行,會經過陸橋同隧道,成組玩具砌完之後大細有近 2 米 x 1米。屋企冇返咁上下大,都真係玩唔到。每充滿1次電需要 30 分鐘,然後就可以喺路軌上行20分鐘,睇片你就知佢有幾快!

 

 

YOU MAY ALSO LIKE ...