EXO又嚟解約是非 成員各自轉攻拍戲

EXO又嚟解約是非 成員各自轉攻拍戲

經歷過去年嘅人事變動之後,EXO 第2張專輯《EXODUS》4月初終於發行,銷量喺短短2日已經過45萬,正當以為人氣未有受到影響之際,中國簡成員黃子轁(Tao)喺22號晚透過父親喺微博宣布正式同SM事務所解約,又係時候買定花生。

喺「解約」戲未正式上映之前,大家都係不如睇住EXO其他成員努力得來嘅成果先啦!EXO成員近年先後拍戲拍劇,最先試水溫嘅D.O.,去年先喺韓劇《沒關係是愛情》同趙寅成合作,之後再投身社會話題之作《逆權師奶》,而中國LAY近日亦分別泊到章子怡呢個大碼頭……至於,去年離隊嘅鹿晗,更威!新戲由張藝謀執導,對手分別有劉德華同彭于晏。

text-Phoebe

1_resize

新戲港人睇啱feel
D.O.去年處男拍劇,喺《沒關係是愛情》同趙寅成、孔孝真、李光洙合作,雖然劇集贏了口碑輸了收視,但無阻D.O.發展,即將喺香港上映嘅《逆權師奶》,由真人真事改編,講超市為節約成本,將工作外判,令一班非正式合約員工遭解僱,無啦啦被炒,呢班師奶有冤無路訴,最後只好佔領超市罷工,希望可以同管理層對話……成件事其實同香港去年學生佔領馬路幾似。

搵得D.O.,無非都係想多班K-Pop觀眾,不過睇仔同時,導演都希望大家可能明白滴水能穿石。
搵得D.O.,無非都係想多班K-pop觀眾,不過睇仔同時,導演都希望大家明白滴水能穿石。
《逆》中嘅黑社會搗亂、水炮清場等場面,同去年香港新聞播出嘅片段差不多。
《逆》中嘅黑社會搗亂、水炮清場等場面,同去年香港新聞播出嘅片段差不多。

3線發展回報率高
戲中D.O.飾演師奶首領個仔,說實在,戲分真係唔多。不過,都叫有發揮嘅,因為喺阿媽爭取公義同時,喺便利店打工嘅佢,為爭取應有嘅報酬,被無良老闆打到口腫面腫。身為偶像組合成員,首部大螢幕作品非粉絲最buy嘅愛情戲,而係話題性作品,怕且都係想測試市場反應。《逆》去年喺韓國上映時,連續3個星期成為韓國本國電影票房冠軍,成績算唔錯。有指D.O.將會接拍新戲《純情》,戲中佢所愛上嘅女孩,曾經喺感情路上受過傷害。

EXO拍嘅Line TV網劇《我的鄰居是EXO》,YouTube、大陸愛奇藝、韓國NAVER TV等平台均有播映權,唔怕你睇唔到,最怕你唔睇。
EXO拍嘅Line TV網劇《我的鄰居是EXO》,YouTube、大陸愛奇藝、韓國NAVER TV等平台均有播映權,唔怕你睇唔到,最怕你唔睇。

各有大靠山
EXO另一成員燦烈今年亦首次接拍電影《長壽商會》,故事雖然係以兩位前輩級演員朴根瀅以及尹茹貞為主,但日前喺電影會上,朴根瀅就大讚燦烈呢位影壇新貴有水準級嘅演技,更睇好佢將來大有前途。不過點好前途,都唔夠EXO中國籍成員LAY好,因為近日LAY接拍嘅《從天而降》,由章子怡擔任製作人,而佢年初亦得到公司批准,喺中國成立自己嘅工作室,方便將來喺大中華發展,不過,有傳此舉令TAO感到公司「大細超」,直接造成今次離隊嘅導火線。又不過咁喎,TAO同份屬青島同鄉嘅黃曉明向來關係好好,有指佢客串演出嘅《何以笙簫默》,都係係由戲中男主角黃曉明一手搭路,而上星期喺發出離隊聲明之前,TAO亦有知會黃曉明一聲,種種行經,點睇都似會有下文。

LAY上月喺中國成立工作室,更得到韓國SM公司受權,等佢可以喺中國獨立開展其個人影視、音樂、業務。成件事都幾可疑下,又係時候買定花生等睇戲。
LAY上月喺中國成立工作室,更得到韓國SM公司授權,等佢可以喺中國獨立開展其個人影視、音樂、業務。成件事都幾可疑下,又係時候買定花生等睇戲。
由於黃曉明同Tao都係青島人,所以黃曉明對佢非常關照,難怪早前傳出Tao離隊,加盟黃曉明嘅華誼公司。雖然雙方都作出否認,不過隨住Tao而家嘅離去,睇怕都係遲早嘅事。
由於黃曉明同Tao都係青島人,所以黃曉明對佢非常關照,難怪早前傳出Tao離隊,加盟黃曉明嘅華誼公司。雖然雙方都作出否認,不過隨住Tao而家嘅離去,睇怕都係遲早嘅事。
網友對於EXO中國藉成員先後用盡各種理由離隊,於是特製出一張名為「2014-2015年度大片」嘅海報出嚟,超正。
網友對於EXO中國籍成員先後用盡各種理由離隊,於是特製出1張名為「2014-2015年度大片」嘅海報出嚟,超正。
隊長Suho近日接拍嘅獨立電影《Glory Day》,講述一群高中時期感情較好嘅男生,喺畢業後,有人遊手好閒、有人喺父蔭下生活無憂。
隊長Suho近日接拍嘅獨立電影《Glory Day》,講述一群高中時期感情較好嘅男生,喺畢業後,有人遊手好閒、有人喺父蔭下生活無憂。

YOU MAY ALSO LIKE ...