直擊東京遊戲展 5隻諗唔到理由唔玩嘅中文勁game

直擊東京遊戲展 5隻諗唔到理由唔玩嘅中文勁game

上月全球市場分析指出,PS4全球銷量已經超過2,400萬部,相比排第2嘅Xbox One只有約1,300萬,原來不知不覺兩部機已有接近1千萬部差距咁多。值得一提,一般人向來以為弱勢嘅Wii U都已賣出1.000萬部,微軟真係要諗諗橋喎。不過,拋離對手咁又點呀?剛啱舉行嘅東京遊戲展(TGS),Sony喺六本木區舉行「SCEJA記者發布會2015」,繼續唔留手宣布多個消息,當中最好睇自然係多隻中文版games啦,即睇呢5隻嚟緊必玩大作,全部PS4、PSV獨佔!

text-Nam photo-Nam、網上圖片

PS4減價賣$2,780

未睇games之前先嚟單喜訊,PS4即將於10月1日開始,由現價$3,380減至$2,780,規格及機能不變,同時將推出7隻新顏色嘅HDD保護蓋、4色DUALSHOCK 4同3色PS Vita。即係點?即係啱晒好色嘅潮人同玩家囉,你重想點呀?

「SCEJA記者發布會2015」一於玩色引你買機,最注目係11月6日起會推出7款新色HDD保護蓋,各$128。
「SCEJA記者發布會2015」一於玩色引你買機,最注目係11月6日起會推出7款新色HDD保護蓋。各$128
個人心水係金或銀,實物表面有髮絲紋,型爆。
個人心水係金或銀,實物表面有髮絲紋,型爆!
4色DUALSHOCK 4有金、銀、黑同透明,價錢同而家一樣,透明版11月推出,其他都係10月23日,各$468。
4色DUALSHOCK 4有金、銀、黑同透明,價錢同而家一樣,透明版11月推出,其他都係10月23日。各$468
最後係4新色PS Vita主機,9月26日正式推出,售價各$1,380。
最後係3隻新色PS Vita(黑色為現存),9月26日正式推出。各$1,380
兩個kawaii妹妹拎住嘅重有一部《Star Wars Battlefront Limited Edition》同捆裝PS4,已知會喺11月17日推出,暫時售價未定。
兩個kawaii妹妹攞住嘅重有呢部《Star Wars Battlefront Limited Edition》同捆裝PS4,已知會喺11月17日推出,暫時售價未定。
死性不改?10個iPhone 6s跪求改進PK位

5隻中文必玩新作!隻隻勁料

1.回到原點 《人中之龍 極》

10年前《人中之龍》喺PS2推出,從此成為SEGA王牌遊戲之一。發布會上由製作人名越稔洋親自宣布,即將會為《人中之龍》進行高清Remastered,並改名為《人中之龍 極》。名越大佬重講晒sorry話當年隻game其實真係麻麻地,自己睇番都有啲唔好意思,所以呢隻《人中之龍 極》唔止會係畫面強化咁簡單,直情會加入大量新劇情同小遊戲,絕對係當新game咁做,最快2016年1月21日推出,堅要買。

又見到名越啦,兩隻新嘢咁大件事當然要見一見人啦,不過《人龍6》乜料都未有。
又見到名越大佬,兩隻新嘢咁大件事當然要見一見真人啦,不過《人龍6》乜料都未有。
除咗桐生一馬外,重製版會補完返錦山彰嘅劇情,似乎好爆。
除咗桐生一馬外,重製版會補番錦山彰嘅劇情,似乎好爆。
呢句對白一出大家都笑咗。(下個畫面係桐生一馬兜巴醒聲一嘢,又笑多次)
呢句對白一出大家都笑咗,下個畫面係桐生一馬兜巴醒聲一嘢,又笑多次。

內容延讀:

>不要玩食物?日本妹玩到上晒身添!

>記者嚇破膽率先試 哈囉喂 × 《THE WALKING DEAD》5大場景有幾迫真

2.買PSV最大理由 《Gundam Extreme Versus-Force》

當見到PSV有新色,好事之徒第一個諗法就係「咁又點呀?」明喎!對手3DS真係贏成條街,不過咪住先,冇人話PSV嚟緊會放軟手腳,超勁作《Gundam Extreme Versus-Force》偏偏唔揀喺PS4而揀咗喺PSV推出,各位機師要打到天昏地暗就要買PSV啦。今年冬季就會推出,重有埋中文版,不過有冇中文版都得啦,呢隻咁勁。

上隻《Gundam Extreme Versus》已數到12年PS3平台,高達迷又係時候儲錢。
上隻《Gundam Extreme Versus》已數到12年嘅PS3版,高達迷又係時候儲錢。
最特別係會加入10月先播嘅作新《機動戰士高達 鐵血的孤兒》嘅主角機體。
最特別係會加入10月先播嘅作新《機動戰士高達 鐵血的孤兒》嘅主角機體。

3.首次中文語音 《三國志13》

《三國志13》終於都有啦!作為系列30週年紀念作,開發商KOEI話今次會以「群像劇(Human Drama)」、「壯闊(Spectacle)」同「張力(Dynamism)」3 大概念為主題,然後…就係得咁多。但你話我偏心都係咁話,見到「三國志」三個字都唔使諗原因,基本已係終極必玩之作,暫時睇片應該冇上集咁伏,加上呢類game賣少見少,唔俾多次機會佢哋都唔得。值得留意今集會係首次有全普通話語音嘅一集,不過我一定會開番日文,唔係點聽張飛講「敵將,吾去脫他衣!」呀!PS4版12月10日推出。

《三國志13》插圖,真係睇見到扯扯地呀心裡面嗰團戰火。
《三國志13》插圖,真係睇見到扯扯地呀心裡面嗰團戰火。
就咁睇玩法似返《三國志10》,用武將為主,應該冇上集咁伏。
就咁睇玩法似番《三國志10》,用武將為主,應該冇上集咁伏。

4.又有PSV 《勇者鬥惡龍 英雄集結 II 雙子之王與預言的終結》

數去年Square Enix最強遊戲,我心目中只有呢隻《勇者鬥惡龍 英雄集結》(簡稱DQ無雙),如今續作《勇者鬥惡龍 英雄集結 II 雙子之王與預言的終結》已肯定推出,今次重會有埋PSV版,實在可喜可賀。暫時又係乜都未知,諗番上集男、女主角,有上緊位嘅兩大人氣明星松坂桃李同桐谷美玲配音,今集會有新人定用番兩位配呢?用新人嘅話,福士蒼汰同橋本環奈都唔錯呀!日文版先喺2016年春季推出,中文版就2016年暫定,而且要留意中文版只有PS4同PSV(冇PS3版本)。

《勇者鬥惡龍》畢竟係「國民遊戲」,今次最神秘又最麻煩就係呢隻,現場連片都唔俾拍。
《勇者鬥惡龍》畢竟係國民級遊戲,今次最神秘又最麻煩就係呢隻,現場連片都唔俾拍。
 同時宣布有中文版有呢隻《勇者鬥惡龍Builders》,係一隻類似《Minecraft》玩法嘅遊戲,個人預言此game必火。日文版先於2016年1月28推出,中文版2016年暫定,同樣中文版冇PS3份。

同時宣布有中文版重有呢隻《勇者鬥惡龍Builders》,類似《Minecraft》玩法,個人預言此game必火。日文版先於2016年1月28推出,中文版2016年暫定,同樣中文版冇PS3份。

5.那一天人類記起了要殺巨人 《進擊的巨人》

壓軸登場仍然係超強作品,全球銷量超過5千萬套嘅《進擊的巨人》,等到而家終於先有隻似樣嘅game。呢隻同名game同樣係由負責《三國無雙》嘅ω-Force開發,由預告睇到佢似「無雙」得嚟同樣有巨人狩獵作戰,可以見到主角艾倫利用立體機動裝置由地下飛到半空,並且喺半空再轉變一次飛行路線,繞到巨人後面進行攻擊。睇落非常非常之爽,加上ω-Force對動作、打擊感掌握非常之好,有十分一fans會買game已經係隻5百萬銷量嘅大作,務必留意。同時會有PS4、PS3同PSV版本,但仍未知推出日期。

望穿秋水得到《進擊的巨人》game,玩硬唔駛諗,係未知幾時出。
望穿秋水終於有《進擊的巨人》game,玩硬唔使諗,係未知幾時出。
原著3主角肯定會登場,但我比較關心「人類最強1米6」里維兵長有冇份…
原著3主角肯定會登場,但我比較關心「人類最強1米6」里維兵長有冇份?

YOU MAY ALSO LIKE ...

There are 2 comments

Add yours
  1. 新Monday / 飽未?100+東京遊戲展show girls 有得玩又有得睇

    […] 東京遊戲展(TGS)出名係咩呀?多女呀!每年現場直擊影落嘅海量囡囡相,往往因版位有限只能揀最靚嘅落書,但咸魚青菜各有所愛,有人鍾意瘦底,有人鍾意肥妹,我鍾意點知你鍾唔鍾意?多謝《新Monday》全力搞web,剛啱介紹完5隻必玩中文games後,又可以俾小弟成份網稿晒囡囡相。日本直送高清無碼素人相即刻送到,其實我都知呢段字一定冇人睇,睇相啦! […]

  2. 新Monday / 你會睇字嗎?100+東京遊戲展show girls精選包 - 新Monday

    […] 東京遊戲展(TGS)出名係咩呀?多女呀!每年現場直擊影落嘅海量囡囡相,往往因版位有限只能揀最靚嘅落書,但咸魚青菜各有所愛,有人鍾意瘦底,有人鍾意肥妹,我鍾意點知你鍾唔鍾意?多謝《新Monday》全力搞web,剛啱介紹完5隻必玩中文games後,又可以俾小弟成份網稿晒囡囡相。日本直送高清無碼素人相即刻送到,其實我都知呢段字一定冇人睇,睇相啦! […]


Comments are closed.