龍珠效應?《街霸5》新大佬係超級撒亞人?

龍珠效應?《街霸5》新大佬係超級撒亞人?

《街霸5》由今日起到28日會搞Close Beta Test,如果你係PlayStation Plus會員,而之前又有登記抽取嘅,好可能率先玩到呢隻明年春季先推出嘅最強格鬥game。不過,測試之前,官方都愈來愈多片睇,最新有呢個新大佬Necalli嘅打人片。Necalli超有霸氣,正常嗰陣成個古烈治頭十足野人,但當變身之後,頭髮就會變成鮮紅色再爆晒出嚟,直頭超級撒亞人3咁款,加埋啲招式拳拳到肉,又爪又撻,難怪阿Ken都被佢打到還唔到手。

新大佬夠型,其實歷代《街霸》都有好多大佬同反派都非常有型,重有唔少fans添,一齊回帶睇喇!

text – Nam photo – 網上圖片

Necalli
新鮮熱辣,反派角色中極具霸氣,由佢變身嘅效果估計,應該識操控「殺意之波動」,呢類角色就算唔係終極大佬,都肯定唔係普通人,絕對期待佢有乜古仔。

正常情況佢都好有殺氣,不過最勁唔係呢樣。
正常情況佢都好有殺氣,不過最勁唔係呢樣。
暫時唔知點解,總之佢識變身,變身後面同身都會有鮮紅色圖案。
暫時唔知點解,總之佢識變身,變身後面同身都會有鮮紅色圖案。
個髮型勁勁勁癲,超級撒亞人3啲friend~
髮型勁勁勁癲,超級撒亞人3啲friend。
出招更型,留意背景效景,靚呀!
出招更型,留意背景效景,靚呀!
睇片唔覺Necalli會出波,不過近戰能力都好高,實力強勁。
睇片唔覺Necalli會出波,不過近戰能力都好高,實力強勁。

Sagat
「睇腳~睇腳~」泰皇Sagat又係冇人唔識啦,其實佢喺《街霸1》係最後大佬,去到《街霸2》就變咗三天王嘅大佬,齊齊under司令手下。設定上佢係主角Ryu嘅永遠宿敵,兩條友成日眼超超。我都幾鍾意呢個角色,因為夠屈機,出波打上身又得,打腳又得,又可以出昇,睇腳呀喂!

佢心口條疤係Ryu出昇留俾佢,所以佢成日一邊摸住心口仔,一邊諗住Ryu。HEHE。
佢心口條疤係Ryu出昇留俾佢,所以佢成日一邊摸住心口仔,一邊諗住Ryu,HeHe!
泰皇出波勁,出昇都好勁,咁多集以嚟人氣都好高,大型比賽一定有人用佢。
泰皇出波勁,出昇都好勁,咁多集以嚟人氣都好高,大型比賽一定有人用佢。
《街霸2》個景最經典,佢贏咗會笑到gap gap聲又係正。
《街霸2》個景最經典,佢贏咗會笑到gap gap聲又係正。

內容延讀:

>嚴選5款高音效GADGETS聽靚聲〈羅生門〉

>勁似GAME BOY 任天堂手電?好想玩呀!

豪鬼(Akuma)
講《街霸》永遠邪派角色no.1,肯定係豪鬼,一開始喺《超級街霸X2》內以隱藏大佬出現,玩家亦可靠秘技chok出嚟用,步驟煩到我都唔記得晒,剩係記得超必瞬獄殺係「輕拳輕拳前輕腳重拳」咁出,同以前chok波chok昇完全唔同。豪鬼唔止係《街霸》最經典角色,亦係遊戲界最型反派之一,衍生角色無數,包括真豪鬼、神豪鬼、狂豪鬼、零豪鬼……只要有《街霸》就一定會有豪鬼。

每當豪鬼出完瞬獄殺或者贏咗,背脊就會有個「天」字。
每當豪鬼出完瞬獄殺或者贏咗,背脊就會有個「天」字。
瞬獄殺亦係最經典超必,重點係一瞬千擊,型呀。
瞬獄殺亦係最經典超必,重點係一瞬千擊,型呀!
街霸4新形態就係神豪鬼,又係變到成個超級撒亞人咁。
《街霸4》新形態就係神豪鬼,又係變到成個超級撒亞人咁。
零豪鬼就變咗機械人……可塑性勁高囉~
零豪鬼就變咗機械人……可塑性勁高囉^^

Vega
《街霸2》最後大佬,當年因港漫太受歡迎嘅關係,香港人都叫慣咗赤目司令。Vega擅長用Psycho Power(超能力)攻擊,口頭禪係話人哋係廢物,又鍾意踩住人個頭,已經多次喺故事中被打敗仍然不死,《街霸5》又有佢份,勁過徐子珊。

司令喺《街霸5》又有份,真係超長青。新版司令已經唔會飛來飛去,比較多近身招式。
司令喺《街霸5》又有份,真係超長青。新版司令已經唔會飛來飛去,比較多近身招式。
但呢吓滑鏟腳仍然存在,麻煩絕招之一。
但呢下滑鏟腳仍然存在,麻煩絕招之一。

Seth
唔講《街霸3》,呢個《街霸4》最後大佬最有可能再次登場,皆因佢係Shadaloo生化兵器部門(S.I.N.)主管首席執行長,身體被先進技術進行徹底改造,原型係Vega「改造實驗體15號」。最大特色係腹部有個「丹田引撆」,可以吸人入去?,打機嗰陣被佢吸完後會再彈返出嚟,令你受重創。

上集大佬點都要講吓,個造型最搶就係個「丹田引撆」,太極咁。
上集大佬點都要講下,造型最搶就係個「丹田引撆」,太極咁。
呢類角色最易翻兜再出,高科技生化人嘛~
呢類角色最易翻兜再出,高科技生化人嘛!

YOU MAY ALSO LIKE ...

There are 5 comments

Add yours
  1. 新Monday / 【好出唔出!】《街霸2》出輸機樣半身像 - 新Monday

    […] >先睇《街霸5》最新超級撒亞人boss […]

  2. 新Monday / 呢期最「熊」見人就咬 最惡yeah吉祥物 北海道哈蜜瓜熊

    […] >日漫仍然好睇!《街霸5》新大佬係超級撒亞人? […]

  3. 新Monday / 着得上身!型爆限定限量 龍珠Z 產品 入手要快 - 新Monday

    […] >《龍珠》HIT到咁?《街霸5》新大佬都向撒亞人致敬 […]

  4. 新Monday / SNK 拳皇 早已滲透祖國 10大中國角色個個勁

    […] >睇完《拳皇》要睇埋《街霸5》 […]

  5. 新Monday / 毒L潮L想要吧?《街霸》雪柄冷衫入定過聖誕 - 新Monday

    […] 重有2年先30週年,但查實《街霸》未out過,先有《龍珠》crossover版,嚟緊各遊戲機平台會有《Street Fighter V》,據game版Nam Gor講暫時已知同上集一樣會出番蘇聯佬(Zangief),一句「旋死你」又喺小編個腦度浮番出嚟!唔out唔止喺game壇,連潮界都係,最近英國品牌numskull(本身都同好多電玩品牌出products)攞正licence出咗拃《街霸》冷衫,玩雪柄pattren相當溫暖又有型,心口織有角色對戰圖案,玩8-bit feel又係old school潮人見到冧,訂定聖誕着真係冇得輸.capcom! […]


Comments are closed.