高達打EVA 手電版 機械人大戰 免費玩

高達打EVA 手電版 機械人大戰 免費玩

80後必定玩過《超級機械人大戰》,一堆日本機械人打嚟打去,過癮之餘,又滿足到大家「邊部機械人最勁?」呢類「年經」(即係年年都問一次呀!)嘅問題。幾日前,BANDAI NAMCO就宣布新一集 機械人大戰 喺年內就推出,今次唔玩傳統出喺手提機、家用機嗰種SLG,而係1隻無料(但課金制)嘅手電App。剩係抽高達都抽到你窮,呢鋪大鑊!

睇番隻App叫《超級機械人大戰X-Ω》,又X又Ω勁難讀,全新作品暫時有《ZEGAPAIN》同《STAR DRIVER閃亮的塔科特》兩套,長青樹如《機動戰士GUNDAM馬沙之反擊》、《新世紀福音戰士》、《鐵甲萬能俠》、《超獸機神斷空我》、《超力電磁俠》、《飛越巔峰GunBuster》等等都齊,暫時總數有28部作品嘅機體登場,不過未有啱啱嚟咗香港嗰隻Wing GUNDAM囉!

text-Nam photo-網上圖片

超級機械人大戰01

課金無極限
玩法類似《植物大戰喪屍》同《Chain Chronicle》,敵人由左邊進攻,玩家就喺右邊防守,好似「守城game」咁嘅玩法,不過有4條戰線,出絕招有cut-in大頭加對白亦係常識。另外,亦睇到駕駛員有機械人大戰 傳統嘅「精神」指令,睇片已經勁熱血!不過,課金game=登場作品無限擴充=無底洞=賣血都唔掂,邊有錢呀你老_!

超級機械人大戰12

超級機械人大戰08

超級機械人大戰07

超級機械人大戰06

超級機械人大戰05

超級機械人大戰04

超級機械人大戰03

 

內容延讀:

>法國神人自製3D動畫向宮崎駿致敬

>順手睇埋全球最大Unicorn Gundam獨角獸高達組裝過程

日本地區限定SR主角機
留意番,隻App都係日本地區限定,到時iPhone友轉番地區做「日本」先download到(Android友到時搵APK啦唔使我教),另外而家做緊事前登陸,完成後會攞到原創主角機「ヴァンアイン/ヴァクス・トゥーム」,但登記BANDAI NAMCO ID時,記得將地區轉番「日本」,否則無法完成登陸。(http://srw-x.suparobo.jp

SR 機體「ヴァンアイン/ヴァクス・トゥーム」
主角用 SR 機體「ヴァンアイン/ヴァクス・トゥーム」
超級機械人大戰09
申請就冇乜難度嘅,如果你冇賬戶,入去後撳初次用戶就得
超級機械人大戰10
呢度又係照填即可,因為佢會知你IP係中文區,必定中文顯示,只要注意地區揀「亞洲>日本」就得。

機戰初回憶 Game Boy
初代 機械人大戰 由1991年推出,平台係得黑白色嘅Game Boy,雖然當年只有3部作品,包括鐵甲萬能俠、三一萬能俠同高達,但一出已經好勁,亦令遊戲開發公司Banpresto(俗稱「眼鏡廠」)聲名大噪,而呢3部作品更成為機械人大戰 「御三家」(有Big Three嘅意思),所有系列作呢3部作品都係鐵膽,三缺一嘅話都好影響銷量同口碑。曾幾何時,機械人大戰 出新作係件遊戲界大事,個個都期待會加啲乜嘢新機械人入去,最經典要數超任嘅《第3次超級機械人大戰》同《第4次超級機械人大戰》,分開上下集出嘅《超級機械人大戰F》亦係個人心水。直到06年BANDAI NAMCO全面收購Banpresto後,機械人大戰 亦成為BANDAI NAMCO招牌之一,但作品開始愈嚟愈亂,連《索斯機械獸》都有,未來隨時有《小露寶》,講真。

機戰第1代,得3部作品,機械人重係Q版比例
機械人大戰 第1代,得3部作品,機械人重係Q版比例
超級機械人大戰14
畫面就…起碼認到邊部打邊部啦!左上「三一」,右下咪「百式」囉!

YOU MAY ALSO LIKE ...

There are 3 comments

Add yours
  1. 新Monday / 【阿寶唔唞都送禮!】送你時代廣場 GUNDAM 展夜光杯 - 新Monday

    […] >睇埋手電版機械人大戰免費玩 […]

  2. 新Monday / 日本宏利CM 鐵甲萬能俠 扮課長關懷員工 勁洋蔥

    […] >順手睇埋高達打EVA 手電版 機械人大戰 免費玩 […]

  3. 新Monday / 《超級機械人大戰 X-Ω》App剛上架 教你慳Data玩加3招必中SSR - 新Monday

    […] 自從上次8月 報導過 BANDAI NAMCO Entertainment,會決定將旗下皇牌遊戲系列《超級機械人大戰》推出手電遊戲版之後,同事一直詢問遊戲到底何時上架,可見話題性極高。來到10月頭,一班7、80後極為關注的這款超人氣系列新作《超級機械人大戰 X-Ω(スーパーロボット大戦X-Ω)》(英文為Super Robot War Cross-Omega,故簡稱機戰CO),已經正式於日本 App Store/Google Play 同時上架,玩法一如上次所說,是款類似《植物大戰喪屍》及日本人氣App《Chain Chronicle》的「守城遊戲」,有別於以往戰棋風格。由於遊戲太新也沒有太多攻略,不過可以教大家基本入門:想知道如何避免遊戲載入時間太長、使用流動數據太多?立即教你1招即玩。 […]


Comments are closed.