阿媽

有媽的孩子唔係寶?網熱討「時代唔同阿媽變好廢」!

熱話

廣告

時代變,女生大部分都變成事業型女性,就算婚後都會未必在家做煮飯婆!而網友最近亦熱討「點解近代嘅阿媽咁廢?」網友指點阿媽淨係識得出街買兩送飯連湯都唔識煲,好多都叫工人做,跟以前又識煮飯又識針織的媽媽好唔同,認為阿媽呢個物種退化咗!唔知你係咪又咁認為呢?

有媽的孩子像個寶?網熱討「時代唔同呀媽變好廢」

有網友在討論區,以「點解近代嘅阿媽咁廢?」開帖文,指近代阿媽咩都唔識,例如煲湯、針織等等,好多現代阿媽都是交給工人做。「點解而家啲阿媽咁廢⋯⋯淨係識得出街買兩送飯連湯都唔識煲。咩都唔識做,叫工人做,似乎阿媽呢個物種都退化咗⋯」網友認為以前的阿媽是萬能,基本上家頭細務都可以做到。「以前啲阿媽呢好勁,又識拜神睇通勝,又識劏魚劏雞,入得廚房出得廳堂,識得煮九大簋住家餸,頭暈身㷫識煲涼茶。讀書個陣,家政堂要交功課,兩下就車好條圍裙,冬天仲會識織冷衫同埋頸巾!」網友覺得自從阿媽「退化」後,「有媽的孩子像個寶」已經無呢支歌仔唱。

阿媽 有網友指阿媽呢個物種退化,開始咩都唔識。
有網友指阿媽呢個物種退化,開始咩都唔識。(圖片來源:香港討論區)
阿媽
(圖片來源:電影《媽媽的神奇小子》劇照)

面對樓主的立場,不少網友都表示認同,覺得時代變了,阿媽而家識得最多嘅是人。「麻雀圈子上識唔少人」「我阿媽以前一個湊5個仔女仲可以返工打麻雀,現代阿媽3個大人一齊湊一個都搞唔掂,都唔知點解退化度咁樣」有網友亦認為今代阿媽搞成咁,係因為上一代阿媽太縱壞自己下一代,令她們咩都唔識。「而家啲新一代父母全部都係長大了的港孩」

阿媽
(圖片來源:TVB《親親我好媽》 劇照)

現代阿媽為子女升學仲辛苦 網友:呢樣嘢係以前阿媽唔會做到

但有網友卻覺得今代阿媽雖然好似不及上一代識煮飯識家政,但卻係因為上一代阿媽捱得辛苦,就係唔想下一代係咁,所以而家阿媽多數都唔需要自己落手做。「以前啲阿媽無咩書讀過,環境唔好又仔女多,唔樣樣都識點得。所以佢哋只想自己個女專心讀書,第日搵份有錢途嘅工,有錢請工人,好命嘅就嫁個有錢人,自己就唔洗落手做咁辛苦。」

阿媽
(圖片來源:TVB《BB來了》劇照)

不過有網友卻指現代的阿媽都有她優點,以前阿媽只會監督你做功課,但現代阿媽卻要識幫子女報定幼稚園playgroup,仲需要搵私家補習,跟仔女功課跟到足,為子女升學嘅嘢煩到喊,呢樣嘢係以前阿媽唔會做到。

阿媽
(圖片來源:電影《媽媽的神奇小子》劇照)

資料來源:香港討論區

圖片來源:TVB《BB來了》劇照、香港討論區、電影《媽媽的神奇小子》劇照、TVB《親親我好媽》 劇照、

YOU MAY ALSO LIKE ...