林作學拳、鍾培生代交學費又走數!拳館導師拍片:大師兄記得找埋條數

林作學拳、鍾培生代交學費又走數!拳館導師拍片:大師兄記得找埋條數

林鍾大戰挹注全城目光,花生一日比一日多。昨日,翁靜晶於社交平台出post,轉發一條YouTube短片。片中嘅人向鍾培生發難,指責鍾培生有錢唔肯找學拳條數。而鍾培生隨後亦發明稱⋯⋯

撰文:神仙b|圖片:林作Facebook、鍾培生Facebook、翁靜晶Facebook、Henry YouTube截圖|編輯:海月

拳館稱鍾培生學拳唔俾錢 上YouTube拍片追數

林鍾二人都決定落場打比賽,自然兩人都要搵教練操fit自己啦。不過,近日就有人係網上爆料稱鍾培生學拳之後冇找學費。翁靜晶仲幫手轉發,引起大家嘅關注。

林作學拳、鍾培生代交學費又走數!拳館導師拍片:大師兄記得找埋條數

翁靜晶係於社交媒體上出post稱片中之人叫Henry李俊亨,係佢嘅好友。Henry 哥哥睇來好得翁姐姐歡心。翁靜晶稱佢為貴金屬專家、金融才俊、車手、拳師,還修讀法律。

翁靜晶更盛讚揚Henry:「論財富家境學問外表,絕不輸給任何人。他最『正』的身分,卻是功夫佬,義氣仔女一個。仗義疏財,替林作繳交學費,免得向師傅為難。Henry 的確是好漢!」

林作學拳、鍾培生代交學費又走數!拳館導師拍片:大師兄記得找埋條數

Henry稱鍾培生答應幫林作俾拳館費用,其後走數冇俾

有傳,鍾培生為要林作出賽,當初除了俾100萬外,仲答應負擔林作一切學拳操練嘅費用。而當日林作到拳館練習之後,的確沒有人付學費。

Henry拍片稱鍾培生曾經亦跟過佢師傅向柏榮學過拳,自己應該叫佢一聲大師兄。先禮後兵咁話欣賞對方是慈善家,又是香港電競業之父不過。

林作學拳、鍾培生代交學費又走數!拳館導師拍片:大師兄記得找埋條數
Henry拍片稱鍾培生曾經亦跟過佢師傅向柏榮學過拳,自己應該叫佢一聲大師兄。

話鋒一轉,Henry就寸鍾培生,有錢都唔肯俾學費。仲寸佢富二代脾氣火爆。僅僅因為林作一句「跟風」就要用100萬去打人。最後仲篤曬臺話:「但係介紹林作去練拳,就冇錢畀林作,你都出得一百萬,十幾萬你都畀唔起?你都係想林作上台俾你打餐飽啫,你畀唔起,你要玩嘅,我咪幫你畀囉!」

林作學拳、鍾培生代交學費又走數!拳館導師拍片:大師兄記得找埋條數

直至Henry出片當日,拳館向媒體表示已經收到由Henry支付的學費。

&feature=emb_logo

 

鍾培生逐條反擊 堅稱自己冇義務找數

 

鍾培生事後分別在翁靜晶的post以及Henry的YouTube Channel留言逐一反駁:

1)並非同門師兄弟,僅於2018年4月19日見過一次向師傅

2)同向師傅冇交情亦無需同大家交代

3)林作托自己介紹拳館,自己僅僅向林作提供幾個聯絡方式,並沒有其他跟進

4)自己從未唔找數,只有找多咗或者早找咗條數

5)指責Henry標題同內容有誤導成分,稱自己並沒有義務為你或林作找拳擊學費

林作學拳、鍾培生代交學費又走數!拳館導師拍片:大師兄記得找埋條數

附上回應原文:

「第一、 我唔係你師兄, 只在2018年4月19日唯一一次拜訪向師傅見面一次;第二、我同向師傅交情無需同大家交代;第三、林作托人搵我介紹拳館,我向委托人提供了幾個聯絡方式,並沒有再跟進;第四、我言出必行,從未出現唔找數,同時只會早咗找或找多咗;第五、你標題同內容有誤導成份,我並沒有義務為你或林作找呢條數!」

呢件羅生門最後發展成點,就歡迎大家繼續關注落去啦。

 

 

YOU MAY ALSO LIKE ...