連登

連登仔分享打工20年警世心得「職場10不做6不要」助新入職員工

熱話

廣告

連登|年中又係大家返工搵錢時間,唔少新入職員工都對職場相當迷惘,日前有一名港男連登仔在討論區,分享自己打工長達20年生涯的警世心得,並列出職場「職場10不做6不要」規則,特別提醒返新仔唔好跟同事或公司有感情瓜葛,職業上大家只係互相利用,認為打工仔一定要記住以下呢16點!

連登
(圖片來源:pixabay官網圖片)

連登|連登仔分享打工20年警世心得 「職場10不做6不要」助新入職員工

日前有一名港男連登仔在討論區,分享自己「前前後後打工打咗廿年」打工警世心得,現時工作情況已經處於「唔撈自己攪下副業好唔錯」,並列出職場「職場10不做6不要」規則,第一個「不」就係「唔好同公司發生感情,大家雙方只係互相利用」,有唔少網民回應第一點已經中晒point,說出不少打工仔心聲。

連登
(圖片來源:pixabay官網圖片)
連登
(圖片來源:pixabay官網圖片)

1. 唔好同公司發生感情 大家雙方只係互相利用。

2. 唔好同同事發生感情 大家十成九都只係互相利用。

3. 唔好無償ot咁傻 你要上位係要有足夠時間自我增值 唔係做窮忙族愈做愈窮 如果有經濟需要就做住先唔好諗長做。

4. 唔好留係同一公司太長時間 除非你做到絕對絕對高層(唔係偽高層 尤其係銀行果d)先考慮下做耐少少 打緊風流工就當我冇講過。

5. 唔好乜都say yes 人哋只會愈得寸進尺 當你傻仔咁洗 有一次say no人哋會懷恨在心做死你。

6. 唔好介懷一時失意 冷靜面對努力改善總有出頭。

7. 唔好一朝得志就語無倫次 好易過身。

8. 唔好出盡風頭懶醒 自己工作範圍內就做 範圍外話知你死。

9. 唔好扯開自己真面目 四兩撥千斤好過惡言相向 職場唔需要傷感情。

10. 唔好讀埋d冇謂課程 實戰經驗好過讀d垃圾野多多聲 如果係行內必需就當我冇講過。

網民爭相回應:「打工要好似come on james港女嘅心態,唔好浪費自己嘅時間同青春喺啲垃圾工度,見唔對路 / 加人工加得慢就要諗轉工」,亦有網民和應:「1-5中哂,遞咗信之後先知所有同事都係載住面具做嘢懶fd,浪費咗我成年心機同時間」、「都好同意,公司99%都無感情可言,同事就95%啦」。

連登
(圖片來源:pixabay官網圖片)
連登
(圖片來源:pixabay官網圖片)

連登|「職場10不做6不要」助新入職員工

亦有持平網民表示:「有得分先會落多少少力做 冇得分嘅hea吓hea吓又一日」、「唔好做壞人 亦都唔好做好人」,樓主收聽完網民意見後後補「6個不要」,網民認為此「警世文章」有助初入社會的打工仔,大家又覺得如何?

11. 唔好做startup/港資/要求員工奴性重/規模太細發展空間有限既公司。

12. 唔好亂搞職場男女關係。

13. 唔好長做架構混亂人事複雜是非小圈子過多d公司。

14. 唔好避忌interview 你會從中收集到好多你本身圈子內唔知既情報 而呢d情報或多或少會對你對行頭/人事/公司style/等等了解加深 至於行頭窄唔窄而增減interview次數就自己調節。

15. 唔好忽略每間公司嘅潛規則 好此寒戰梁家輝話齋 識係條線入面玩都係職場生存技能 當然如果潛規則係要你無償ot/發揮奴性/講求擦鞋/等等就真係你做埋我果份 間公司好打有限。

16. 唔好覺得返工係理所當然而放棄自己興趣初心 因為返工係違反人性 興趣初心係合乎人性 你順勢而為一路堅持(工餘時間)會有意想不到既效果 不論金錢上/成就上/心理健康上 而且呢個dynamic又政治化嘅時勢工字一定冇出頭 亦冇話份工保你一世無憂 專業人士都咁話。

連登
(圖片來源:pixabay官網圖片)

撰文:Odin圖片來源:pixabay官網圖片

YOU MAY ALSO LIKE ...