識條鐵咩 Metal Gear蛇叔義肢夠嚇鬼

熱話

廣告

早排動漫節嘅「Metal Gear蛇叔義肢你識條鐵咩」事件,震撼全球7億遊戲子民,而主角蛇叔呢隻1:1義肢,我哋亦終於攞咗隻嚟玩,玩完手再去玩埋隻game。KONAMI呢隻超班馬《Metal Gear Solid V: The Phantom Pain》真係等到頸長,連全球最有代表性嘅遊戲網IGN、Gamespot都俾咗滿分10分,係咪真係咁正呀喂!距離上集推出已經係08年嘅事,多年開發,game友點會唔想玩先?

text-Nam photo-網上圖片
最接近神嘅手指
呢隻蛇叔義肢,極有質感,關節位亦設計得好細節,活動靈活,相信會係所有《MGS》迷嘅神級收藏,最接近神嘅手指呀!《MGS》迷最懂的。

Metal Gear Solid V: The Phantom Pain
平台:PS4、PS3、Xbox One

售價:$418(PS4、Xbox One)、$368(PS3)
查詢:KONAMI(www.konami-asia.com

等多陣玩中文版
《MGSV》會先推出日文版同英文版,但不得不提12月重有隻中文版,到時所有介面都會中文化,劇情變成中文字幕,肯定有助大家更加了解故事發展。但要等多3個月非常唔容易,現階段都只能睇睇中文版截圖止住咳先。

內容延讀:

>200萬FOLLOWERS 4大IG女教玩交友APP必殺技

>【跑到流鼻血?】北京慈善BRA RUN 變質「睇肉堂」

KONAMI最後大作?
未講試玩之前,點都要有啲資料講返。話說KONAMI手握大量名牌遊戲,可惜新任社長早川英樹似乎不以為然,只視產品為單純嘅生財工具,業績行先,並曾宣稱日後會放重心喺手機遊戲上。結果年頭先迫走小島秀夫,再截停恐怖game《P.T.》嘅開發計劃,引來《桃太郎電鐵》原作者佐久間晃亦公開批評KONAMI做法不仁。聲名狼藉都係其次,日後KONAMI唔會再放好似《MGSV》咁多嘅資源開發遊戲至係關鍵(又講句實話,冇幾多人可以好似小島秀夫咁,用咁大量金錢同時間投放落一隻game身上,幾乎係賭身家咁賭),所以呢隻最後大作,有今生冇來世,加上小島宣稱《MGSV》又係全系列嘅大結局,有得撐好撐喇!

小島秀夫神秘魅力
日本有名遊戲製作人多多,但講到國際市場都熟悉,相信小島秀夫會係代表人物之一。小島嘅代表作當然要數誕生於1987年嘅《MGS》系列,但其實《我們的太陽》、《心跳回憶》等名作都係由佢經手。剩係計《MGS》,全系列銷量已超過4,120萬隻,而作為序章(甚至稱得上試玩版)嘅《MGSV: Ground Zeroes》,僅得45分鐘遊戲時間,唔止賣你正常遊戲價錢,去年推出後,竟然都重賣出超過600萬隻,數字已等同一般有名作品,證明大家都好期待「完美版」嘅《MGSV:The Phantom Pain》。

《MGSV》正式版第一手試
記者喺E3、gamescom雖然已經試過隻game,不過呢隻正式版又係另1種感覺。今集同上集相比,最大分別就係變成Open World遊戲,版圖大之餘,亦冇固定嘅攻略方法。記者玩嘅係近乎訓練模式嘅mission 1,可用到探測器、iDROID等裝備,而蛇叔嘅動作、畫面流暢度都令人滿意,接近敵人時,亦有唔同動作選擇,可以射佢、打暈佢或挾持佢再逼供等等,好睇你想點玩。

常見問題

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

YOU MAY ALSO LIKE ...