【處死式熱水爐】儲水式熱水爐 勇者文合集！熱水得6分鐘 網民：沖涼都要生死時速 冬天沖涼都要攻略

【處死式熱水爐】儲水式熱水爐 勇者文合集！熱水得6分鐘 網民：沖涼都要生死時速 冬天沖涼都要攻略

近日寒流襲港，咁凍天氣下唔少人都希望可以好好地沖個熱水涼暖身，不過原來仲有唔少人屋企用緊「儲水式熱水爐」。因為要先煲水才有限量熱水供應，而且大多平價儲水式熱水爐，能使用熱水的時間更短至6至10分鐘，所以唔少人人譏諷係「處死式熱水爐」：「冬天基本得10分鐘內有熱水用，有時仲會只有5、6分鐘」。

有網民表示當寒冬到臨，連沖涼都變成挑戰：「冬天會好快冇熱水，會好凍。沖完涼會震住嗱嗱聲入返被竇，要喺15分鐘內沖涼加洗頭，真係會凍到震」。更形容每一次洗澡都是一場「時間競賽」，亦試過沖涼過程突然用完熱水「可以點？死頂沖埋佢，唔通又要再等啲水再煲過！唯有自己再沖快！」。

有網民更表示「其實冬天沖涼都要有攻略」：儲水式熱水爐啲熱水其實夠用，更重要係視乎你點用，如果全部都用熱水梗係快用晒，建議溝啲凍水沖，總之夠暖就得」。另外亦有網民表示換上慳水或花灑有有效增加熱水能使用時間，不過就要留意花灑跟電熱水爐配合度，免生危險。亦有網民表示：先關上廁所窗戶，快速完成洗澡後，再穿上保暖衣物就不易冷病。