薛影儀

薛影儀3大原因拒續約亞視 求大家唔好再叫佢「亞視一姐」

熱話

廣告

阿儀薛影儀去年因選亞姐而一夜爆紅,更火速被捧為「亞視一姐」﹗過去一年曝光率奇高,每次出現定必有話題,成為亞視的吉祥物,不過阿儀與亞視合約7月約滿,阿儀因為3大原因拒續約,仲揚言要退出娛樂圈,嚇親一班忠粉﹗

阿儀一年接七十個工作

阿儀過去一年接了約七十個工作,堪稱冠絕全台,不過臨近合約期滿,阿儀卻扭計拒續約,仲話唔想再做「亞視一姐」,令經理人林寶玉好頭痛,阿儀之前直播中曾透露退出意向「唔適合娛樂圈」、「想退出娛樂圈」、「就嚟唔撈」等,令支持者大為緊張,紛紛留言表忠:「心目中的亞視一姐只有阿儀一人﹗」。

薛影儀 阿儀人氣大旺,更有支持者為她搞後援會,又以其肖像做攬枕﹗
阿儀人氣大旺,更有支持者為她搞後援會,又以其肖像做攬枕﹗(圖片來源:IG@ching_yee0205)

阿儀唔想被合約綁死 要有自由度

阿儀和亞視合約7月約滿,據知公司跟她傾洽續約時遭她斷言拒絕,幾經磋商阿儀企硬,表示寧放棄過萬元的底薪的藝人包薪合約,欲改簽以個別工作計算的兼職藝人合約﹗阿儀接受傳媒訪問時透露為何拒續約,她指想自由度大啲,又指過去一年工作量多,但好多時一拍便拍半日,覺得太辛苦,故阿儀想改為PT合約,可以自由選擇工作﹗

薛影儀 阿儀曝光率高,曾為餐廳拍廣告﹗
阿儀曝光率高,曾為餐廳拍廣告﹗(圖片來源:IG@ching_yee0205)
薛影儀 在廣告中施展舞技﹗
在廣告中施展舞技﹗(圖片來源:IG@ching_yee0205)

第二個原因是阿儀指不時被網民在社交網留言欺凌,令她飽受壓力。第三個原因是網民太瘋狂,經常主動要求為她整貼紙又話想約她,經常受騷擾,令她不勝其煩,阿儀更請求大家唔好再叫佢做「亞視一姐」 ﹗基於以上3大原因,阿儀拒續包薪合約,更表明就算收入大減都唔在乎咁話﹗

薛影儀 阿儀覺得網民太瘋狂,經常話要同佢整貼紙,令她感到好困擾﹗
阿儀覺得網民太瘋狂,經常話要同佢整貼紙,令她感到好困擾﹗(圖片來源:IG@ching_yee0205)

經理人成功𠱁掂阿儀續約 預告衝出香港

不過時隔兩日,經理人林寶玉回覆傳媒查詢時透露阿儀已回心轉意,與亞視續約一年,跟舊約一樣是包薪藝人,又透露阿儀未來工作將衝出香港到馬來西亞做宣傳,又透露阿儀最想拍旅遊特輯及參與真人騷﹗睇嚟阿儀對娛樂圈心不死,粉絲們可以放心﹗

薛影儀 經理人林寶玉左)𠱁掂阿儀續約﹗
經理人林寶玉(左)𠱁掂阿儀續約﹗(圖片來源:IG@connielam418 )
薛影儀 經理人林寶玉
經理人林寶玉(圖片來源:IG@connielam418 )

圖片來源:IG@ching_yee0205、IG@connielam418

YOU MAY ALSO LIKE ...