英國研究:一半男士曾被性侵!網民:唔好以為真係「益咗你」 男人在外記得保護自己

英國研究:一半男士曾被性侵!網民:唔好以為真係「益咗你」 男人在外記得保護自己

「性侵」呢嘅詞好多時候用於女性身上,其實不少男士也要面對許多性侵問題,而且香港男士被女士強姦時係冇法律保障,只有被雞姦才能控告施暴者。

撰文:神仙b|圖片:《The Perks of Being a Walflower》、《Knock Knock》、《飛虎出征》截圖|編輯:海月

英國衛報同英國福利組織Mankind近日公布一個研究稱,訪問英國18歲以上成年男士之中,有一半男性曾經被性侵!比女士遇到性侵問題更難堪嘅係,好多時後男士被性侵後仲無法同他人訴苦。因為其他人聽到大多只會回答一句:「你就爽啦」或者「益咗你啦」,搞到受害人仲好似得益咁。

衛報報導一份千人研究發現近半男士曾被性侵

英國衛報同英國福利組織Mankind近日就公布一個研究稱,英國18歲以上男士之中,有一半男性曾經被性侵!

該研究稱調查咗超過1,000名18歲或以上嘅英國男性。報告中當中有9%受訪者聲稱自己曾經被「強暴或進入性性侵」;14%受訪者指自己曾被逼進行性行為;21%受訪者指自己於未成年時與成年人進行性行為。

《飛虎出征》劇照
《飛虎出征》劇照

時代週刊也曾發表過研究指 美國超過4成高中或大學生曾被性侵

《Time》於2014年曾轉述一個美國研究稱,284名受訪者男士中,43%受訪者稱在高中或大學生曾經有過「非自願性行為」!超過九成嘅施暴者都是女性!

該報告顯示,受訪者中有18%指曾被強逼進行性為;31%指曾被「言語脅逼進行性為」;26%則指曾被「非自願地引誘進行性為」。

《Knock Knock》劇照
《Knock Knock》劇照

男士被性情值得社會同等的關注度

雖然上述兩個研究只能反應特定地區或者國家的情況,不足以反映整體面貌,但足以證明有一定百分比嘅年輕男性在進行非自願性行為。

慶幸嘅係,越來越多人願意將自己嘅受害經歷講出來,喚起社會大眾嘅注意。

例如2012年上映嘅電影《The Perks of Being a Walflower》就係作者Stephen Chbosky講述自己童年被自己阿姨性侵嘅故事。電影清晰反應咗男性受性侵過後所收到嘅傷害,絕不應該對佢哋講一句:「益咗你啦」!

《The Perks of Being a Walflower》poster
《The Perks of Being a Walflower》poster
作者Stephen Chbosky講述自己童年被自己阿姨性侵嘅故事。
作者Stephen Chbosky講述自己童年被自己阿姨性侵嘅故事。

YOU MAY ALSO LIKE ...