歐陽震華

聲生不息|歐陽震華宣佈棄英文名 講回歸:可以理直氣壯講我來自中國香港

熱話

廣告

《聲生不息》請來歐陽震華,接近七·一回歸,不少藝人爭住發表回歸心情,歐陽震華表示好開心終於可以大聲講出自己身份「我來自中國香港」,又話睇住解放軍車隊駛入香港,心情激動得難以形容,網民指佢浮誇過廣東省政協周星馳,留言問佢「係咪想撈番個江門政協嚟做?」喎﹗

聲生不息|歐陽震華講回歸感受

《聲生不息》最新一集主題「港樂與我共此時」,以慶祝香港回歸廿五周年,請來歐陽震華,他在訪問之初煞有介事話有個請求:「有一個小小請求,我想去掉我波比(Bobby)這個名字,因為年紀大,不想要一個小孩名字,最重要是我要一個中文名字就夠,你們(工作人員)不要叫我波比哥,以後改叫我華仔,華哥,過多兩年再訪問我可以叫華叔﹗」

歐陽震華 歐陽震華被人叫咗咁多年Bobby及歐陽波比,接受《聲生不息》時忽要公佈以後唔再用英文名﹗
歐陽震華被人叫咗咁多年Bobby及歐陽波比,《聲生不息》訪問中忽然公佈以後唔再用英文名﹗(圖片來源:YouTube@芒果TV热播综艺片段截圖)

歐陽震華又話自己心情好緊張,因為這個節目在全中國播放,「不想在十多億人面前丟架,不想丟香港人的臉﹗」所以先預告若有不明白地方,先停機讓他先想一想,免答得不夠好﹗

歐陽震華 當場叫工作人員唔好叫佢「波比哥」,改口叫「華哥」﹗
當場叫工作人員唔好再叫佢「波比哥」,改口叫「華哥」﹗(圖片來源:YouTube@芒果TV热播综艺片段截圖)
歐陽震華 歐陽震華話用中文名就夠﹗
歐陽震華話用中文名就夠﹗(圖片來源:YouTube@芒果TV热播综艺片段截圖)

有片﹗「港普之父」歐陽震華:一個中文名就夠﹗

歐陽震華示範慢動作式抹眼淚

歐陽震華指1997年看見解放軍車隊駛入香港時,心情很激動:「看見我們的解放軍過來香港,感覺就是我們這班仔仔女女在外面流浪多年,爸爸媽媽終於來接我們回家,最重要我終於有真正身份,別人問我哪裡人,我可以理直氣壯回答『我來自中國,來自中國香港』﹗」然後他大力拍心口話:「我這裡一直沒有變﹗」意指愛國的心一直無變﹗歐陽震華講到一半更忽然流眼淚,要用紙巾拭淚才繼續訪問,睇得出佢幾咁心情激動﹗

歐陽震華 歐陽震華忽然除低眼鏡話自己不停流眼淚,要暫停一下﹗
歐陽震華忽然除低眼鏡話自己不停流眼淚,要暫停一下﹗(圖片來源:YouTube@芒果TV热播综艺片段截圖)

網民:太Over啦﹗唔怪得未攞過無綫視帝﹗

網民留言指歐陽震華略嫌過火咗「浮誇咗啦﹗」、「唔怪得提名廿幾次都攞唔到視帝﹗」、「呢段戲太over啦,唔怪得次次失落視帝」,翻查紀錄,歐陽震華至少在無綫頒獎禮提名22次最佳男主角,但每次都空手而回,只在《TVB 馬來西亞星光薈萃頒獎典禮》、新加坡《星和無綫電視大獎》攞過男主角獎,甚至2007年《第35屆國際艾美獎》憑《賭城風雲》成為首位香港男藝人獲提名該國際性獎項,不過依然在無綫的《萬千星輝頒獎禮》落敗﹗

歐陽震華 手指尾都有戲﹗
手指尾都有戲﹗(圖片來源:YouTube@芒果TV热播综艺片段截圖)
歐陽震華 慢動作,包你cap得到﹗
慢動作,包你cap得到﹗(圖片來源:YouTube@芒果TV热播综艺片段截圖)

有片﹗歐陽震華表忠:我的愛國心一直無變﹗

歐陽震華自稱:我是警察專業戶

歐陽震華指97回歸之後,有內地投資方搵佢拍劇,所以99年他接拍了人生第一部陸劇《上有老》,內容指三代同堂住在同一屋簷下,他指香港要多年後才有類似的題材《一屋老友記》(2016年)出現,他指大家不要忽略老人家,香港甚少製作此類題材,他就自己投資開劇因為自己也是老人家﹗歐陽震華又話過去演盡政府部門職業,但演最多是警察:「我就是警察專業戶,其實唔好再成日叫我做警察,人家會問為何呢位警察咁老仲未退休?」又指自己演很多專業人士,暗指香港劇集題材多年不變,要學習大陸劇夠多元化﹗

歐陽震華
(圖片來源:YouTube@芒果TV热播综艺片段截圖)
歐陽震華 身為港普之父的歐陽震華,在訪問中不時自行轉channel用廣東話,但又堅持用好普通的普通話做訪問,其實根本冇乜分別﹗
身為「港普之父」的歐陽震華,在訪問中不時自行轉channel,但又堅持用好普通的普通話做訪問,其實根本冇乜分別﹗(圖片來源:YouTube@芒果TV热播综艺片段截圖)

圖片來源:YouTube@芒果TV热播综艺片段截圖資料或影片來源:YouTube@芒果TV热播综艺

YOU MAY ALSO LIKE ...