聲生不息

聲生不息|周柏豪講辛酸曾任錄音室助理 最困難要幫祖兒伊健做一件事

熱話

廣告

無綫與內地芒果TV合辦《聲生不息》不斷有新歌手加入,繼張智霖及王源後,最近播出一集有周柏豪和楊丞琳﹗周柏豪加入「克勤隊」與林曉峰合唱鄭秀文的《我們都是這樣長大的》,講開揀呢首歌的背後原因,周柏豪就講到入行前的辛酸史,原來佢做過錄音室助理,即係打雜乜都要做,仲話最難忘是遇見容祖兒同鄭伊健﹗

聲生不息|周柏豪爆林曉峰評他多懶音

《聲生不息》中周柏豪透露入行前做過救生員、模特兒,原來仲喺陳光榮錄音室擔任過助理一職,周柏豪透露跟林曉峰第一次接觸,是為對方的電影歌曲唱Demo,周柏豪覆述當時林曉峰對他評語是「唱得不錯,但懶音很多」,在旁林曉峰指對方當歌手後進步神速,完全判若兩人﹗

聲生不息 周柏豪指與林曉峰初次接觸,是入行前為對方唱Demo,當時被對方指很多懶音﹗
周柏豪指與林曉峰初次接觸,是入行前做錄音室助理時為對方唱過Demo,當時被對方指很多懶音﹗(圖片來源:芒果TV《聲生不息》截圖)
聲生不息 入行前的周柏豪,做過模特兒,但因受爆瘡之困擾而無法再做模特兒,其後曾到陳光榮錄音室當助理﹗
入行前的周柏豪,做過模特兒,但因受爆瘡之困擾而無法再做模特兒,其後曾到陳光榮錄音室當助理﹗(圖片來源:芒果TV《聲生不息》截圖)
聲生不息 當歌手前的周柏豪曾當錄音室助理,即係打雜一名﹗
當歌手前的周柏豪曾當錄音室助理,即係打雜一名﹗(圖片來源:芒果TV《聲生不息》截圖)

周柏豪指最困難幫祖兒、伊健叫外賣 被林曉峰當場取笑

周柏豪提到當時在錄音室工作相當忙碌,他曾在訪問中提及斟茶遞水、抺咪、洗廁所、搬搬抬抬等一腳踼﹗不過他話要數最困難是「要為歌手們叫外賣﹗」林曉峰當場大笑,周柏豪即認真解釋:「唔好睇少叫呢個工作,因為只要你做好叫外賣呢個工作,大家就會鍾意你﹗」

聲生不息 周柏話做錄音室助理最困難是幫歌手們叫外賣﹗
周柏豪話做錄音室助理最困難是幫歌手們叫外賣﹗(圖片來源:芒果TV《聲生不息》截圖)
聲生不息 隨即被林曉峰笑佢,周柏豪即緊張為自己解釋﹗
隨即被林曉峰笑佢,周柏豪即緊張為自己解釋﹗(圖片來源:芒果TV《聲生不息》截圖)
聲生不息 林曉峰見周柏豪一臉認真,立即收起笑容稱讚:「你真係由低做起﹗」
林曉峰見周柏豪一臉認真,立即收起笑容稱讚:「你真係由低做起﹗」(圖片來源:芒果TV《聲生不息》截圖)

叫外賣悟人生大道理

周柏豪更從「叫外賣」悟出人生道理,他指每次幫七、八個人叫外賣,叫足三餐,而且不能出錯,他指:「要點樣聽人落柯打而唔會錯呢,原來係要用個心去聽,咁先唔會錯,做所有嘢都一樣,用個心去做﹗」佢仲話學曉呢個道理之後,就成為「叫外賣專家」﹗畀個叻佢啦﹗

周柏豪指自己是從低做起:「連水機冇水都是我換的﹗當時做很多很皮毛的事情,每一日放工,都工作至凌晨兩、三點﹗」他指回家時坐在巴上最上層聽住音樂,當時才驚覺音樂世界原來很大,「人生都一樣,人生就是需要不斷忍耐,然後先可以去做自己喜歡的工作﹗」果然大文豪,對生活細節的敏感過人,小事都可以看出大道理﹗

聲生不息 周柏豪話錄音室水機冇水都係佢去換﹗
周柏豪話錄音室水機冇水都係佢去換﹗畀個叻佢﹗(圖片來源:芒果TV《聲生不息》截圖)
聲生不息 林曉峰即笑佢:「所以一身肌肉是這樣練返來﹗」
林曉峰即笑佢:「所以一身肌肉是這樣練返來﹗」(圖片來源:芒果TV《聲生不息》截圖)
聲生不息 周柏豪話當時工作「看似很皮毛」,但每天都要工作至凌晨兩、三點﹗他指雖然辛苦但也獲益良多﹗
周柏豪話當時工作「看似很皮毛」,但每天都要工作至凌晨兩、三點﹗他指雖然辛苦但獲益良多,一生受用咁話﹗(圖片來源:芒果TV《聲生不息》截圖)
聲生不息 周柏豪指人生就是需要忍耐﹗
周柏豪指人生就是需要忍耐,所以佢面對逆境都抱呢個心態﹗佢又透露周柏豪入行後都不敢跟容祖兒相認,因為當時自己好冇自信,唔敢正面望對方﹗周柏豪又指最開心遇見鄭伊健,因為視對方為超級偶像,自爆會偷望對方錄歌﹗(圖片來源:芒果TV《聲生不息》截圖)

周柏豪+林曉峰合唱鄭秀文《我們都是這樣長大的》:

聲生不息 呢個end post夾過㗎喎﹗
呢個end post夾過㗎喎﹗(圖片來源:芒果TV《聲生不息》截圖)

圖片來源:芒果TV《聲生不息》截圖、IG@punkhippie

YOU MAY ALSO LIKE ...