折毛

內地網民於維基造假 編寫咗200幾個虛構歷史!

熱話

廣告

維基百科(Wikipedia)係由維基媒體基金會運營的一個多語言線上百科全書,大受大眾歡迎的參考工具書,截止2021年,所有語種的維基百科條目數量已達5,500萬,而維基百科的特點就係開放俾所有人可以自由編輯內容。近日爆出一單驚人事件,就係一位內地網民於維基造假歷史200多條目,唔單止文字,仲畫埋地圖,連大學教授都俾佢呃咗?!

折毛
(圖片來源:維基百科:2022年歷史相關條目偽造事件截圖)

一埸好大的惡作劇:編寫古俄羅斯相關歷史

維基百科有一位名叫「折毛」的主編幹了一埸好大的惡作劇,自2019年6月於維基註冊以來總計編輯4,800,建立至少206個條目!編寫咗有關古俄羅斯相關的歷史,對俄羅斯史造假!例如折毛自己編造出「卡申銀礦」並加以解說「卡申銀礦(俄語:Кашин добыча серебра)是古羅斯國家特維爾大公國的一座銀礦,位於卡申領地的皮雅科夫卡,1344年偶然被當地平民發現該處有礦脈,上報至王公瓦西里·米哈伊洛維奇,由王公組織挖掘。該銀礦一直是特維爾大公國的重要資金來源,直至大公國滅亡後仍然為莫斯科大公國及其後繼政權繼續開採,直至18世紀中期因礦源枯竭而閉礦。」折毛仲會引用來源唔同國家的論文,將真、假混合解釋,唔仔細睇都無法判斷真假!折毛除咗建構銀礦之外,仲會自己畫地圖、畫地形圖、做埋人口變化、編名人採訪等等,折毛造假歷史仲超小心,佢會將唔同的條目環環相扣,形成一個更完整的歷史故事,互相填補!

折毛
(圖片來源:《無雙》電影截圖)
折毛
(圖片來源:《尼羅河謀殺案》電影截圖)

建構一個厲害的個人背景

折毛仲為自己建構一個厲害的個人背景令人加以信服,折毛稱自己父親係駐俄外交官,讀俄國史專業畢業,亦嫁咗俾俄羅斯人,擁俄羅斯國籍,所有背景都同俄羅斯連繫,仲要表示同好多學者交流,塑造成一位俄羅斯專業領域的青年女性學者形象!

折毛
(圖片來源:《無雙》電影截圖)

折毛道歉回應:我只係想學習

折毛發現自己闖下大禍,於維基百科寫上道歉信,指自己完全唔識俄語以及英語,未婚夫也不是俄羅斯人,高中畢業,未有讀大學。折毛表示自己已經於維基已花3年的時間,亦指自己只係想透過建構條目來學習俄語及英語,希望坦白一切從新開始,只係寫的條目實在太多,已經改唔到。

折毛
(圖片來源:《玩轉身前事》電影截圖)

網民:佩服,點解唔寫小說?

此事引起網民熱討,亦因此導致維基百科的真實性受到質疑,不過唔少網民對於折毛編寫一事就大感佩服「聽落幾刺激,咁得閒唔寫小說」「咁先浪費到更多人既人生」「好似lord of the rings咁寫小說寫曬成個虛構世界出嚟,整埋地圖同時間軸」「好癲,睇佢寫嘅道歉信,話原因係想學習」「人地假條目通常係一條起兩條止,好似佢咁樣大規模咁整咁多條目嚟造假」「好彩咁啱有人揭發左,如果唔係就寫入正史」「其實幾勁,想像力同行動力少啲都做唔到」

圖片來源:《無雙》電影截圖, 《尼羅河謀殺案》電影截圖, 《玩轉身前事》電影截圖, 《無雙》電影截圖

YOU MAY ALSO LIKE ...