移民

港媽列出5大唔想移民原因:唔走就係罪人?

熱話

廣告

近年香港出現移民潮,好多年輕一代都紛紛移民為尋求更好嘅生活環境等等,不過並唔係所有父母都想離開香港移民,近日就有港媽喺Facebook專頁發文,表示佢老公好想移民,每日洗腦式講移民好處,又講全世界都走,只有佢「賴死喺度」,於是港媽列出5大點解唔想移民嘅原因,又大呻:「唔通唔走就係罪人?」。

移民
(圖片來源:《她們創業的那些鳥事》劇照)

1.難捨專業人士資格

港媽係在職媽媽,職業係專業人士,工作性質、人工、同事、環境佢都十分滿意,而且仲方便照顧小朋友,而且移民後就要重新讀書、實習、考牌先可以重操故業:「考完都好大機會要返shift同假日」會令到同小朋友相處嘅時間減少。

移民
(圖片來源:《原諒他77次》劇照)

2.適應力弱

港媽認為自己唔係一個適應力強嘅人,由細開始每轉變去一個新環境佢嘅情緒或多或少都會受到影響,需要學校嘅社工、老師或親友輔導,一路去扶持佢。

移民
(圖片來源:政府新聞處截圖)

3. 對老公無信心

港媽認為移民上,兩夫婦都要共同努力去面對難關,但佢認為老公每次返嚟都話「好攰」、「尋晚瞓唔好」、「冇精神,好大壓力」等,平時一有時間就打機,又懶理小朋友,平時屋企所有事都由港媽操心,認為去到外國問題更加多,港媽無咗工人姐姐同長老嘅幫助,令佢壓力更大同擔憂。

移民
(圖片來源:《原諒他77次》劇照)

4. 支持廣東話

港媽唔反對子女去外國留學,但由於子女仲細,想佢地先喺香港認識自己嘅語言文化先,並覺得廣東話用字博大精深,繁體字蘊藏精髓,一直都支持廣東話:「廣東話係母語,我希望小朋友對佢熟悉」。

5. 唔想丟低父母

港媽表示下一代係重要,但上一代都唔可以唔理會,長老們都非常疼愛兩個孫,又會帶佢地去玩同幫手湊,唔可以咁狠心丟低佢哋唔理。

移民 網友留言。
網友留言。(圖片來源:[email protected]生仔要考牌系列)

常見問題

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

關鍵詞
移民原因
圖片來源:《她們創業的那些鳥事》劇照, 政府新聞處截圖,《原諒他77次》劇照

YOU MAY ALSO LIKE ...