真心似!6大韓星x卡通撞臉圖鑑

人有相似唔出奇,原來人同卡通人物都可以似成咁,重要係同韓國明星似樣添!點解嘅?好犀利呀!真係若要人似我,其實唔使兩個我,只要有個卡通人物就夠喇,連變魔術都慳番!呢6大撞臉組合,你覺得邊組撞得最應?

text-Tammy

1. 宋一國三胞胎vs飛天小女警

因為親子真人騷《超人回來了》而爆紅嘅宋一國三胞胎大韓、民國、萬歲,最近拍咗個KEB銀行廣告,當中三胞胎打鼓、彈結他夾band場面,同都係3人組嘅《飛天小女警》泡泡、花花、毛毛都有幾分似,只差在三胞胎係男仔。

相似度:**(以5星為最似)

2. 金宇彬vs櫻木花道

一頭紅髮,往往令人聯想起日本漫畫家井上雄彥筆下嘅籃球界天才櫻木花道。被人話似《死亡筆記》死神流克嘅金宇彬,其實初出道拍首部韓劇《白色聖誕節》時嘅染紅髮look,同櫻木花道真係似到冇朋友!

相似度:****

3. 李鍾碩vs Ddochi

由Soo Jung Kim製作嘅韓國80年代卡通片《Dooly The Little Dinosaur》,對大家嚟講比較陌生,但當中嘅鴕鳥女Ddochi竟然有啲面善,點解嘅?因為佢同男神李鍾碩竟然撞臉!佢哋嘅表情出賣咗佢哋喇!

相似度:***

你唔熟Ddochi?我都熟喎!不如一齊睇睇片!

[embedyt]http://www.youtube.com/watch?v=yBSwseYZZIk

[/embedyt]

4. 李Haru & G-Dragon vs Lucy & Charlie Brown

又係因為《超人回來了》而爆紅嘅星二代李Haru,同BigBang嘅G-Dragon嘅面對面場面,反過嚟被神化成《花生漫畫》Lucy同Charlie Brown,好cute呀!

相似度:***

5. 申成祿vs Frodo狗

憑《來自星星的你》大奸角「載京哥」而成功出位嘅申成祿,人紅自然多是非,重被網民發現佢同韓國手機通訊App、《Line》勁敵《KakaoTalk》嘅貼圖卡通狗Frodo表情超似,難得佢本人亦欣然接受,原來奸角都有cutie嘅一面,不過網友真相了之後,有劇迷因此而入唔到戲,真係似佢變成害佢!

相似度:****

6. 鄭宇盛vs《蠟筆小新》園長先生

論樣貌,型男鄭宇盛同本身富有江湖味嘅園長其實唔似,不過人靠衣裝,鄭宇盛呢身打扮,網友一致認為同園長100%似樣,百分百真人版!

相似度:*****

YOU MAY ALSO LIKE ...