港女

時薪$90港女Hea做!返公司第一時間食早餐搽指甲油唔做嘢

熱話

廣告

返工其中一樣最怕的,就是遇上Hea同事,唔做嘢又有糧出,自己就做到隻狗咁!最近有網友分享,指公司請了兩名兼職港女同事,時薪都達HK$90,只是處理對單工作。兩位女同事對工作非常不認真,網友指除了食一個鐘早餐才開工之外,有次因為有急件希望她們可以幫手處理,卻換來一句「搽咗第一層指甲油,而家未乾,我仲要搽晒先做到嘢!」呢啲非一般的工作態度,令網友大呻「而家好難請人咩?」

食早餐一個鐘!時薪$90港女Hea做

返工除了最怕麻煩上司外,同事當然都不例外。有網友在網上大呻,指公司新請了兩名新的兼職女同事,負責處理訂單。而兩名女同事的工作態度,亦引起樓主的留意。「逢星期三啲大粒都唔喺office,已經留意咗佢哋兩個禮拜,逢星期三佢哋一定遲到仲要買早餐返嚟食。」食早餐當然不是問題,重點是食早餐的時間,兩名港女都食足一小時才開工,令網友超不爽。

港女 網友對兩名兼職非常不滿。
網友對兩名兼職非常不滿。(圖片來源:香港討論區)
港女 網友大呻港女食早餐都食足一小時。
網友大呻港女食早餐都食足一小時。(圖片來源:ViuTV《大叔的愛》截圖)

指甲未乾唔做急件 網友大呻:請你返嚟油指甲㗎咩?

除了食早餐拖時間外,樓主更指她們兩個一早都不會工作,多數「上網睇吓嘢,再唔係網購一陣先開始搵嘢做」不過咁樣都唔係令樓主最嬲,反而最近發生了一件事,令樓主大呻「真係唔知公司請埋啲咩人返嚟」事緣有日樓主有急件要處理,於是就叫她們幫手,點知兩名員工指「我冇咁快可以做到嘢喎,啱啱搽咗第一層指甲油,而家未乾我仲要搽晒先做到嘢,如果好急你就自己做住先啦!」因為指甲油未乾唔做嘢的原因,令樓主非常氣憤,指「而家好難請人咩?請你返嚟油指甲㗎咩?」

港女 港女因為指甲未乾,表示唔會做急單。
港女因為指甲未乾,表示唔會做急單。(圖片來源:ViuTV《IT狗》截圖)

對樓主表示同情 網友:今時今日真係好難請到正常人

網友睇到都表示深感同情,更直指樓主可以做的只有向上司反映,而且由於樓主不是主管,難以控制兩名兼職,只可以被她們欺負,更指「今時今日真係好難請到正常人」而有網友都指港女比較攻心計,扮靚都是為了討好上司和男同時「知道打扮下就有成班狗公幫手唔駛點做,見人靚少少就會扮晒好好先生幫晒手,同一樣人工男人做晒辛苦野,女人就唔駛點做。」

港女 網友大呻「今時今日真係好難請到正常人」。
網友大呻「今時今日真係好難請到正常人」。(圖片來源:TVB《愛回家》截圖)
港女 有網友都指港女比較攻心計,想男同事幫手做晒嘢。
有網友都指港女比較攻心計,想男同事幫手做晒嘢。(圖片來源::TVB《愛回家》截圖)

關鍵詞
港女打工
圖片來源:香港討論區、ViuTV《大叔的愛》截圖、TVB《愛回家》截圖、ViuTV《IT狗》截圖、

YOU MAY ALSO LIKE ...