東張西望｜大陸「乞兒兵團」滲透全港九 自稱來港XX！仲有內地網紅
乞兒兵團重施故技！
正所謂「橋唔怕舊」，乞兒兵團重施故技利用不同程度殘疾人士係街頭行乞。《東張》追蹤兩名男子，一位是全身肌肉萎縮嘅男士坐係板車，另一位則負責行乞，二人拍住檔在街頭「搵食」夠鐘當然要收工，攝製隊馬上走上前訪問！講的一口流利普通話嘅二人見到記者提問警戒心立即提高，並否認來港「搵食」，最後攝製隊暗中與二人乘搭港鐵，但竟然係閂車門一刻，二人突然衝出車門，成功撇甩攝製隊。
成員竟然有內地網紅？！
之後攝製隊係北角訪問一位斷肢賣唱嘅行乞成員，自稱10年前被煤氣炸斷腳嘅佢表示，今次一個人黎香港玩，想搵下生活費所以先係街頭賣藝，更向攝製隊公開自己嘅抖音帳號，估唔到係一位網紅。不過呢位成員警覺性甚低，攝製隊一直暗地跟到佢收工，發現佢入住佐敦某賓館，驚現「乞兒兵團」原來住係同一個地方！
「乞兒兵團」自稱來港旅遊 全部一齊入住佐敦賓館
攝製隊之後跟到上賓館見到一位拎拐杖在街頭吹笛賣藝嘅伯伯，佢同樣都係聲稱自己黎香港旅遊。《東張》後來偽裝成顧客向賓館職員查詢入住詳情，並聲稱「而家得返一間房」，原本支援都好適應好聲好氣，但攝製隊表明身分後突然反口，「都冇人入嚟。」根據賓館附近嘅鄰居表示，近期的確多咗好多殘障人士入住，而且「乞兒兵團」3年前已經入住過，只不過而家係換咗「新成員」。
賓館幕後Boss現身 咒罵主持：「你地有報應！」
採訪期間突然有一位男子走到攝製隊旁邊，疑似係賓館幕後Boss，佢一見到主持就十分激動並質問「乞丐能不能住房？我告訴你，你現在這麼年輕，你要保證你的兒子不是乞丐，你一定要做好事！不做好事馬上就有報應！你慢慢看，人在做、天在看！」最後佢承認係賓館嘅負責人，面對攝製隊追問與「乞兒兵團」嘅關係，負責人越講越激動，「你們都很輕輕，不要這樣子搞，搞了以後報應到了，你會後悔！」又表示「乞兒兵團」係通關後才入住，有證件用正途途徑來港，並反問記者，「你在街上為什麼不去抓他？我看你們報應！」
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
