信用卡

東張西望|爆出勁多信用卡盜用苦主 「OTP」、到底係保障邊個?

熱話

廣告

近日《東張西望》報導有關信用卡被黑客消費的問題,爆完一單又一單,原來有唔少苦主同樣呢個問題,而且仲要硬食埋單,原告變被告?!原來全因「otp」,唔少網民睇完《東張西望》報導後check check都中招?

信用卡
(圖片來源:[email protected] USA Official)

信用卡被黑客盜用 銀行出招避責

有苦主上《東張西望》講述自己信用卡被盜用,但最後銀行都要求卡主承擔返個費用,銀行會以「不會接納透過一次性密碼授權交易的爭議申請」的理由而將責任推向卡主身上,即係好多信用卡的交易通常會發一個叫「OTP」密碼短信到你的手機中,輸入完密碼就代表完成交易。

信用卡
(圖片來源:[email protected] USA Official)
信用卡
(圖片來源:[email protected] USA Official)

苦主被連環盜刷19萬 因為OTP而照硬食?

報導中,有一位苦主王先生就講述自己被黑客盜刷19萬!王先生俾咗一張附屬卡女兒去英國留學備用,女兒一直少用,但直至今年突然收到一項可疑交易短信,指佢合共進行咗19萬的交易,佢10分鐘之內打去銀行問吓,一問之下先發現有3單可疑交易,已喺半小時內完成交易,王先生立即清楚表明3單交易都唔屬於佢,亦強調無收過OTP,3單可疑交易仲係一間背景奇怪虛擬貨幣公司。銀行最後以無辦法識別到所有虛擬交易嚟解釋此事,6月13日時更將交易金額記到王先生的帳單上,要求佢俾錢。王先生堅持解釋佢女兒張電話卡都無用,點可能收到一次性密碼確認交易,佢公開咗電訊公司紀錄,無用過任何數據傳輸。不過銀行無接受王先生解釋,王先生唯有報警求助,更電郵到銀行極高層都係無用。最後銀行出返張新卡俾佢之後,第2日就即刻再次俾黑客盜用,仲要係同一間虛擬貨幣公司,交易再次成功,王先生表示真係該銀行極不負責任!

信用卡
(圖片來源:[email protected] USA Official)
信用卡
(圖片來源:[email protected] USA Official)
信用卡
(圖片來源:[email protected] USA Official)

完整影片:

網民神秘中招「$2888.88」!

東張西望一播完即刻有網民於討論區發起討論指自己都中招,被盜刷咗$2888.88,跟而立即有唔少網民都回應自己都同樣被盜刷咗$2888.88!更指出打去銀行處理都係無用,不如打返去間店處理得仲快。

信用卡
(圖片來源:lihkg討論區截圖)

常見問題

不少信用卡被黑客消費苦主,最後銀行如果處理?

有苦主上《東張西望》講述自己信用卡被盜用,但最後銀行都要求卡主…詳情請看

如打去銀行處理無用,有沒有更好的方法?

有唔少網民都回應出打去銀行處理都係無用,不如…詳情請看

圖片來源:[email protected] USA Official,lihkg討論區截圖資料或影片來源:[email protected] USA Official

YOU MAY ALSO LIKE ...