朗豪坊

小朋友整爛KKplus天線得得B公仔慘賠3萬多元 但今次家長唔駛考牌!?

熱話

廣告

家長與小孩逛街時,如小孩唔小心整爛店鋪物品,應否作賠償,經常係父母討論的問題,網民好多時都偏支持應該賠償,認為小朋友雖然仲細自我管理能力未有成人咁好,但歸根究柢都係父母的問題,如父母管教好,就可以減低發生類似問題。而近日朗豪坊就出現同樣的問題,不過今次網民似乎就比較幫父母嗰邊?

朗豪坊
(圖片來源:lihkg討論區截圖)

小朋友整爛人哋店鋪5萬多元的公仔

事源22日一名家長帶同小朋友到朗豪坊一間店舖逛街,不幸小朋友整爛咗店鋪一隻標價5萬多元的1.8米天線得得B公仔!當時有網民就將事發照片擺咗上網,因金額偏大而被瘋傳,照片中父母蹺晒手好似指責做錯事低著頭的小朋友,而店員就無奈指著已粉碎一地的公仔。本來就照片所見,就如平日小朋友因貪玩整爛店鋪公仔的事件一般,不過今次事件就唔係咁簡單?

朗豪坊
(圖片來源:lihkg討論區截圖)

老屈小朋友「故意」整爛公仔 賠償3萬多元

事後家長原來有於網上表達感受,指自己雖然係責無旁貸,因為當時自己掛住睇嘢而無時刻留意住自己的小朋友,接住就聽到好大聲跌爛嘢的聲,見到公仔粉碎於地上,然後亦都立即賠償3萬多元,教訓自己個仔。不過該名家長就指出佢最嬲係因為原來店員當時第一時間係「屈」佢小朋友故意踢倒公仔,而佢事後收到疑似cctv的片段明顯只係小朋友想挨一挨唔小心「挨跌」了公仔,家長更指小朋友係因為當時人群太多,避開怕撞到人先挨落公仔,亦不明為何價值幾萬元的公仔無任何圍欄的東西去保護,認為並唔合理,直頭有「詐騙」的感覺。小朋友亦因此事件嚇到唔敢出聲,該家長形容個仔「成個人企咗喺度,彊晒,好驚」事後形容「好恐怖」!

朗豪坊
(圖片來源:fb@姚津津)
朗豪坊 從片段可見小朋友只係剛好挨於公仔身上,並唔係故意踢倒公仔
從片段可見小朋友只係剛好挨於公仔身上,並唔係故意踢倒公仔(圖片來源:fb@姚津津)
朗豪坊 輕輕一挨,公仔立即跌下,小朋友都立即想扶著公仔
輕輕一挨,公仔立即跌下,小朋友都立即想扶著公仔(圖片來源:fb@姚津津)

網民爆料間嘢特登咁做等「水魚」!

唔少網民雖然都話真係個小朋友整爛無得抵賴,但都認同該名家長的說法,如果價值5萬多元的公仔應該要有圍欄等保護好,而唔係隨處放。亦有網民爆料,自己於一旁的店鋪工作,已經見證同樣的事情發生第4次,覺得係有心將公仔放於店鋪中心「等水魚」,又有網民放上舊照,指之前隻公仔係有圍欄去保護,並唔係就咁放於店鋪中心,認為係故意調動公仔的位置,甚至有網民指2021年已見過有人話隻公仔出現裂痕,又話隻公仔並唔值5萬多元等的說法。有網民仲話其實家長可以唔賠,10歲以下小朋友可無需負法律責任,而且有指該小朋友亦因此事受到驚嚇,甚至有造成心理陰影!

朗豪坊 網民爆料係第4單
網民爆料係第4單(圖片來源:fb@姚津津)
朗豪坊 網民爆出公仔舊照
網民爆出公仔舊照(圖片來源:fb@姚津津)
朗豪坊 普遍網民都支持該家長,指就算老人家走過都可能會整跌
普遍網民都支持該家長,指就算老人家走過都可能會整跌(圖片來源:fb@姚津津)

該店鋪發出聲明

店鋪澄清事情係經由雙方同意下已徹底解決,指出處理方法亦是由事主提出,而且該公仔的售價因為係原型、設計、運輸等加埋所以係5萬多元,更指出隻公仔已於去年11月放到而家,一直無對任何客人造成不便。看來此聲明係為了推翻眾網友的爆料,不過最該ig 已刪除該聲明。

朗豪坊
(圖片來源:ig@kk.plus_)

常見問題

KKplus天線得得B事件是什麼?

網上瘋傳有家長帶小朋友在朗豪坊收藏玩具店kkplus參觀時,小朋友疑不慎導致標價…詳情請看

KKplus 在得知天線得得B跌爛後第一回應是?

家長事後立即賠償,教訓自己個仔。不過該名家長就指出佢最嬲係因為原來店員當時第一時間係…詳情請看

圖片來源:fb@姚津津,ig@kk.plus_,lihkg討論區截圖

YOU MAY ALSO LIKE ...