【空氣力學】震驚網絡!單靠「一舊紙團」贏得「紙飛機比賽」冠軍!創意定求奇?

【空氣力學】震驚網絡!單靠「一舊紙團」贏得「紙飛機比賽」冠軍!創意定求奇?

【空氣力學】震驚網絡!相信唔少人細細個都摺過紙飛機,要紙飛機飛得越高越遠,除咗摺嘅方法同紙飛機嘅形狀之外,亦考驗人對空氣力學嘅了解!最近日本嘅東京工業大學就舉辦咗「紙飛機比賽」,結果獲得冠軍嘅「紙飛機」嘅得主,簡直係震驚咗唔少日本網民!

撰文:馬高斯 |圖片來源:[email protected]てるるん降落傘東工大一の数弱&化強、まっち|編輯:海月

「一舊紙團」贏得「紙飛機比賽」冠軍!

首先就簡單介紹一下,呢次紙飛機比賽嘅規則先!

1.用 2 張 A3 紙嘅材料製作

2.只可以用A3紙、膠水同配重物

3.配重物上限為 20個迴紋針,超過即失去參賽資格

4.總得分係以飛行距離、飛行時間兩方面計算

5.飛行距離係機體停止嘅落地位嘅距離為準

6.飛行時間計算以碼表測量,機體任何部位接觸到地面為止

7.唔可以用外力發射裝置

於是一位日本網友就係讀呢間大學嘅工學課程,分享咗佢學期尾嘅紙飛機比賽嘅參賽作品!第一款試飛作品,外型睇落似模似樣,仲係佢嘔心瀝血製作,結果飛得唔遠,成績平平。

第一款試飛作品
第一款試飛作品(圖片來源:[email protected]てるるん降落傘東工大一の数弱&化強、まっち)

於是佢喺正式比賽當日,就派出2號作品參賽,從圖中所見,係一舊紙團!?結果靠呢舊紙團,獲得咗比賽嘅第3名,你叫班認真摺飛機嘅同學仔情何以堪(笑)。

係一舊紙團
係一舊紙團(圖片來源:[email protected]てるるん降落傘東工大一の数弱&化強、まっち)
獲得咗比賽嘅第3名
獲得咗比賽嘅第3名(圖片來源:[email protected]てるるん降落傘東工大一の数弱&化強、まっち)

呢位網友喺Twitter出完文之後,除咗引起網民嘅熱烈討論之外,仲吸引到比賽第1名嘅得主注意,原來第1名都係靠一舊紙團奪冠!?

原來第1名都係靠一舊紙團奪冠
原來第1名都係靠一舊紙團奪冠(圖片來源:[email protected]てるるん降落傘東工大一の数弱&化強、まっち)

睇落好似有啲荒謬,點解無人提出拒議?不過第1名同第3名都有遵守比賽規則,睇嚟一班老師要好好檢討一下,重新設計遊戲規則先得!

YOU MAY ALSO LIKE ...