日本

居港日本女生認為香港比日本好的5大優點 香港呢樣「好方便!」

熱話

廣告

日本一直都係眾多港人嘅「家鄉」,近日移居香港嘅YouTuber日本女生May就講出喺香港生活咗一段時間後發現返到日本竟然好唔習慣嘅5件事。

居住喺香港嘅YouTuber日本女生May
居住喺香港嘅YouTuber日本女生May(圖片來源:[email protected] in Hong Kong 私の香港生活)

1. 唔慣服務行業太有禮貌

喺日本無論餐廳、藥房定商場,日本人嘅服務態度絕對係親切良好,對比起香港有禮貌好多。May笑言表示返到日本唔慣服務行業太有禮貌,就算喺藥房問麻煩複雜嘅問題,職員都會好有耐心解答。

喺日本有侍應會「踎低」去遷就客人坐下嘅高度
喺日本有侍應會「踎低」去遷就客人坐下嘅高度(圖片來源:[email protected] in Hong Kong 私の香港生活)

2.香港天氣潮濕日本天氣較乾旱

May坦言香港嘅天氣潮濕。夏天悶焗容易令人感到不適,不過又因為呢個原因皮膚經常可以保持濕潤嘅狀態:「甚至Cream都唔洗日日搽」,不過返到天氣較乾旱嘅日本,不但要成日搽大量保濕面霜,皮膚仲會因為乾燥而又乾又痕。

日本 香港嘅天氣潮濕好焗
香港嘅天氣潮濕好焗(圖片來源:[email protected] in Hong Kong 私の香港生活)

3. 日本公眾地方傾電話規矩多

日本安靜嘅環境令到 May 感到相當唔習慣,因為習慣咗香港社會嘈雜嘅環境,表示:「等紅綠燈個陣聽唔到Du Du Du Du嘅聲」、「超市有種唔可以傾偈嘅氛圍」等等都令到May好唔習慣。而且日本好少人會喺公眾場合講電話,而且交通工具更加係唔講得電話。

日本嘅交通工具禁止講電話
日本嘅交通工具禁止講電話(圖片來源:[email protected] in Hong Kong 私の香港生活)

4.香港周圍都有WiFi

May表示最唔習慣就係WiFi,因為香港無論商場、公共交通工具定係街道,大部分都會有WiFi提供,但係如果返到日本如果唔係中心城市,WiFi信號都會比較差。May表示試過係日本鄉下屋企嘅WiFi突然間就停咗,上唔到網。

日本 表示香港邊到都有WiFi好方便
表示香港邊到都有WiFi好方便(圖片來源:[email protected] in Hong Kong 私の香港生活)

5. 唔習慣身邊嘅人全部都講日文

May因為疫情關係兩年半無返過日本,所以或多或少都會唔習慣身邊嘅人全都講日文,有時更加會不自覺咁用咗廣東話表達,例如不自覺咁大喊一聲「哎呀!」等等。

日本 有時會唔小心會用咗廣東話表達
有時會唔小心會用咗廣東話表達(圖片來源:[email protected] in Hong Kong 私の香港生活)

即睇!

關鍵詞
日本
圖片來源:May in Hong Kong 私の香港生活

YOU MAY ALSO LIKE ...