【日本研究】到底婆媳關係幾遠最安全?婆媳兩人「安全距離」!

【日本研究】到底婆媳關係幾遠最安全?婆媳兩人「安全距離」!

【婆媳關係】毋庸置疑,世界上最複雜嘅關係就婆媳關係。呢個問題不但止困擾華人,仲會困擾日本人。近日,日本進行咗一項婆媳關係嘅研究,研究指出婆媳兩人嘅「安全距離」,到底兩人距離幾遠最安全呢?

撰文:Andy|圖片:《BB來了》劇照 截圖|編輯:海月

新抱不願與奶奶同住 新抱希望同奶奶相隔1萬公里

日本不動產資訊服務公司「at.home」進行咗一項婆媳關係嘅研究。希望搵到各位新抱希望同奶奶距離幾遠最能維持雙方關係。

【婆媳關係】新抱不願與奶奶同住 新抱希望同奶奶相隔1萬公里
日本進行咗一項婆媳關係嘅研究

該研究訪問咗日本關西及關東兩個地區620名已婚女性,年齡介乎25歲至49歲,問佢哋心目中理想嘅「婆媳安全距離」。

【婆媳關係】新抱不願與奶奶同住 新抱希望同奶奶相隔1萬公里
該研究訪問咗日本關西及關東兩個地區620名已婚女性,年齡介乎25歲至49歲

安全距離或不相同 但98%人不希望同奶奶同住

報告顯示有接近4成人選擇「1至9公里」、兩成人選擇「10至19公里」。由此可見,新抱對於奶奶嘅「安全距離」並唔係太統一。不過,份報告就清晰指出,期待同奶奶一齊住嘅新抱只有1.8%!

【婆媳關係】新抱不願與奶奶同住 新抱希望同奶奶相隔1萬公里
報告顯示有接近4成人選擇「1至9公里」、兩成人選擇「10至19公里」。

最誇張嘅係有受訪者希望同奶奶相距1萬公里,相當跨越成個太平洋。可能佢覺得「越洋相處」最能消除雙方矛盾。

 

同奶奶同住搞到想離婚 調查公司推薦兩家庭相隔個半鐘車程較佳

「安全距離」大家各有不同,不過一目了然嘅係大部分新抱都唔願意同奶奶同住。該份報告仲稱,有超過5成受訪者曾經因為同奶奶同住而想過離婚。當中有超過1成人認為婆媳同住係兩公婆感情轉差嘅重要原因之一。

【婆媳關係】新抱不願與奶奶同住 新抱希望同奶奶相隔1萬公里
大部分新抱都唔願意同奶奶同住

日本不動產公司「athome」稱,根據調查研究計算出「婆媳相處安全距離」為69.8公里,大約1.5小時車程。

【婆媳關係】新抱不願與奶奶同住 新抱希望同奶奶相隔1萬公里

YOU MAY ALSO LIKE ...