女朋友

港女數臭地盤佬嫖妓又污糟 !駐地盤工程師男友大呻:做工程真係原罪咩?

熱話

廣告

做地盤、做工程,所需的技術和認知都唔少,都是一份專業的工作,不過卻有人「睇唔起」呢份工!事緣有網友在網上大呻,與女朋友的朋友食飯,點知對方知道男方做工程師,要駐地盤office,就白眼指「日日返工咪又係日曬雨淋污糟邋遢」,而且更指早排地盤爆發疫情,如果為女朋友好都唔好再返地盤,飯後更whatsapp女朋友數臭做工程嘅人,令網友不禁概嘆「做工程真係原罪咩?」

工程師男友見女朋友姊妹被數臭 :「地盤工又嫖妓又污糟」

事緣有樓主與女朋友姊妹食飯,被姊妹們問到做咩工,樓主就答工程師,而姊妹們再深入調查問「即係咩既工程,但你係咪要係地盤返工架?」樓主指「我係做結構既工程師,我要駐地盤office」一答完後,就被姊妹們開始白眼,更指與地盤工沒有分別「咪姐係地盤佬囉,日日返工咪又係日曬雨淋污糟邋遢,有咩分別呀」

女朋友 有網友指與女友姊妹出街食飯,過程並不愉快。
有網友指與女友姊妹出街食飯,過程並不愉快。(圖片來源:連登討論區)
女朋友 仲要俾姊妹白眼自己份工!
仲要俾姊妹白眼自己份工!(圖片來源:連登討論區)
女朋友 做地盤真係有咁差?
做地盤真係有咁差?(圖片來源:電影《八星抱喜》劇照)

駐地盤工程師男友大呻:做工程真係原罪咩?

面對住姊妹的數臭,樓主非常不滿,而身為樓主的女朋友更加黑面。不過兩名姊妹依舊繼續數臭,指之前疫情大爆發都係因為地盤!「 係咪你地果行招惹返嚟架?聽我男朋友講做地盤成日叫雞污糟邋遢 ,但我諗你都唔會既 !」之後聚餐完,樓主指姊妹們whatsapp繼續數臭做工人嘅人,令樓主不禁大呻「做工程真係原罪咩?」

女朋友 樓主指姊妹們返到屋企繼續whatsapp數臭做地盤嘅人,唔肯停!
樓主指姊妹們返到屋企繼續whatsapp數臭做地盤嘅人,唔肯停!(圖片來源:電影《閨蜜》劇照)

工作無分貴賤 網友:做工程都需要高技術同要識做人

網友均對樓主表示同情,更指在香港做工程做地盤,好像做咩職位都會俾人白眼,「呢個世界總會有人睇唔起藍領,自命清高,但講真咁辛苦冇人做邊個做」「香港可能係,但移民神科」不過有網友都指樓主可以繼續做好自己份工,就算做工程、做地盤都唔應該俾人睇唔起,更指其實做工程都需要高技術同要識做人,份工應該要被人尊重。而疑似做工程的朋友仔,亦留言指經常會同人講自己做地盤「我唔需要識啲睇唔起地盤佬既人,話佢聽做地盤既仲有計傾先傾落去」都係嘅,工無分貴賤,每個行業都應該要尊重。

女朋友 每份工都需要被尊重。
每份工都需要被尊重。(圖片來源:電影《八星抱喜》劇照)

資料來源:連登討論區

圖片來源:電影《八星抱喜》劇照、連登討論區、電影《閨蜜》劇照

YOU MAY ALSO LIKE ...