嚴選5款高音效gadgets聽靚聲〈羅生門〉

熱話

廣告

完全冇抽Juno水,但呢期的確係〈羅生門〉無限loop,想完整重要聽埋〈耿耿於懷〉同〈念念不忘〉,相信呢幾日耳機都好賣咗,當然啦,要聽靚聲好歌嘛。

即刻搵嚟5件專門播靚聲嘅高音效gadgets,等大家可以趁熱慢慢享受,好歌需要有靚gadgets配合呀!

text-史提芬photo-網上圖片

1.靚聲還原 RHA T20
英國耳機品牌RHA之前推出嘅T10i音質已經唔差,重可以玩埋調聲芯片,夠晒吸引。而最新推出嘅T20就專注喺音質表現,加入全新嘅DualCoil雙線圈驅動單元,新設計將中頻、高頻同低頻嘅訊號分別獨立分拆成兩部分傳送到單元,降低各種頻段互相蓋過嘅情況,令聲音更實際反映到耳仔,原聲完美重現。

售價:$2,298
查詢:2262 1173(大昌影音)

2.隔絕噪音 Jabra Vega
聽歌要有靚音色,首先唔可以受到外來噪音干擾。為咗做到呢點,揀隻降噪功能嘅耳機就至啱。最近耳機品牌Jabra推出1隻Vega降噪耳機,用上主動式降噪技術,只需插入1粒3A電池,就可以支援長達35小時主動式降噪功能,據官方講可以隔絕99%背景雜音,同時透過Jabra專用App,手電能夠啟動Dolby高清晰度音效,進一步提升耳機音質,用手電聽歌都有唔錯嘅聽覺享受。

售價:$1,799
查詢:2201 7233(Jardine)

 

內容延讀:

>係先好呀!任天堂出手電?勁似Game Boy

>好片一睇再睇 溜冰 靚女測試GOPRO HERO4 SESSION

3.監聽級靚聲 Pioneer HDJ-C70
所謂監聽級耳機,其實係耳機冇進行過任何音色修飾,將最原始音源帶到你對耳。所以唔少音樂發燒友或者DJ鍾意用嚟聽歌,貪佢夠純淨。而Pioneer最新推出嘅HDJ-C70採用全新40mm釹磁鐵單元,耳機最高承受功率達到2,000mW,提供更強影音分析力,同時保證音量過大都唔會拆聲。另外,耳機有一定抗噪能力,內置全新設計隔音結構,加埋採用柔軟嘅皮革耳墊,一般雜音唔會對音質產生影響。

售價:$2,080
查詢:2359 4567(Mass Winning)

4.紅潮播放器 AK Junior紅金特別版
AK Junior比AK其他系列播放器,售價相對較合理,的確吸引唔少鍾意聽高質音樂嘅朋友入手。最近AK Junior就推出港澳限定Iconic Red紅金特別版,由原本啞光銀變成夠型夠搶嘅紅金配色,機身最薄之處得6.9mm,同時將LCD螢幕加大到3.1吋,改良上幾代覺得大舊笨重嘅感覺,再用上Wolfson WM8740作解碼芯片,更注重細緻音色表現,潮人實睇得上眼。

售價:$3,980
查詢:3188 0767(ECT)

 

5.音樂再解讀 ASUS Essence One MKII DAC解碼器
唔少音樂發燒友,屋企一定會有部DAC解碼器,將電腦音樂嘅電子訊號轉為音頻訊號,令音質有更強勁表現。而ASUS推出Essence One MKII DAC就支援發燒級嘅DSD 64播放格式,同時最高支援600ohm耳機,支援多頂級耳機,變身強勁耳擴。另外,備有11個運算放大器,讓用家輕鬆更換同調較音色,打造自己音樂品味。

售價:$4,399
查詢:3582 4770(ASUS)

常見問題

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

YOU MAY ALSO LIKE ...

There are 3 comments

Add yours

Comments are closed.