網民商場驚遇「最佳」聖誕裝飾 聖誕老人玩集體自殺?

聖誕節近了,唔少大型商場都開始布置聖誕裝飾,聖誕老人、鹿車同聖誕樹等。而近日有網民發現位於天水圍嘅天一商場超畀心機去布置商場,真係睇完都不禁笑咗出嚟,快啲嚟睇睇啦!

撰文:白仔丨圖片:連登丨資料:連登

天水圍天一商場驚見「自殺聖誕老人」裝飾

這個「自殺聖誕老人」裝飾真係名副其實,一隻隻嘅聖誕老人吊喺半空fing吓fing吓幾咁過癮。而且隻隻嘅樣子都非常山寨,再加上看似唔夠棉花塞喺入面嘅感覺,畀人一種好似「廢老」般嘅吊頸版聖誕老人。

亦有網民指出香港嘅聖誕裝飾一年比一年差,愈嚟愈冇聖誕氣氛。的確,香港嘅聖誕裝飾真係愈嚟愈差,個幾塊大型裝飾都好似換湯不換藥咁。

有網民笑指聖誕裝飾好似電影《警察故事》入面吳彥祖同成龍VS砌槍吊死人嗰一幕,睇睇吓又真係好似!

同呢張空降師聖誕老人都有幾分相似。

又有網民用《唐伯虎點秋香》中嘅「8個一齊上吊,幾咁壯觀」去形容今次呢個天一商場嘅裝飾!

都有其他網民回帶之前商場嘅「佳作」,的確令小編都想講一句:「到底點解咁樣都會出到街?」

YOU MAY ALSO LIKE ...