內地和尚玩抖音 被揭like 5萬張J圖 仲要全部都係…
廣告
內地網民盛行玩抖音，已成為內地其中一樣社交潮流玩意。原來就連內地的和尚都有玩，大師仲會得閒放吓自拍、書法、念經片咁，有6萬幾粉絲！不過近日大師直播期間唔小心爆出自己平日睇的j圖，即被內地網民瘋傳，網民：「大師斬斷了情絲，卻斬不斷黑絲和白絲」
和尚玩抖音被揭like 5萬張j圖
內地安徽省一名和尚熱玩抖音，抖音法號「宣城師傅」，經常上傳自拍以及書法相。最近佢開直播時唔小心被網友發現佢like咗5萬幾張靚女j圖，相片清晰睇到有唔同風格的美女性如學生妹、夜店風、Cosplay、護士等，每個都係白滑美女豐滿又長腿，俾網友恥笑大師都係男人「大師斬斷了情絲，卻斬不斷黑絲和白絲」「大師喜好三素：素粥、素菜、素人」「大師咩都放得低，就是抖音放唔低」。根據陸媒指，大師當時仲於直播讀出「紅塵煉心，閒暇之餘也總要偶爾接近一下繁華，如此，才可經略紅塵，洗卻凡心。」，睇嚟大師仍看破紅塵。
大師被識穿帳號消失於凡間
有傳大師知道識穿後嚇得一夜之間將5萬多個j圖like變為0，而家仲無辦法於抖音搵到大師，有網民指大師係一夜間「領悟」「立地成佛」「夢見佛祖」！原來大師的抖音似乎被「官方禁止搜索」，不過有網民就質疑成件事係抄作、套路。
圖片來源：抖音截圖
