ol

台灣OL酒醒後驚見全身屎 疑被男友人侵犯兼惡搞

熱話

廣告

台灣一名年輕OL同兩名男友人到酒店飲酒後,起身發現竟然全身衣物被脫光外,身上仲被塗滿糞便同嘔吐物,因而認為遭到兩名男友人落藥兼惡搞,所以決定對兩人提告。

台灣 台灣一名年輕OL同兩名男友人到酒店喝酒
台灣一名年輕OL同兩名男友人到酒店喝酒(圖片來源:劇集《氣象廳的人們》劇照)

OL與男友人狂歡玩出禍?

於上年8月,OL原本同一班友人到酒吧狂歡,結束之後感到意猶未盡就同兩男友人到酒店續攤繼續飲。點知到達後女子飲咗10分鐘就不勝酒力瞓著。起身先發現自己全裸瞓喺廁所,身上仲帶有嘔吐物同糞便,更加發現原本儲存喺自己手機上嘅自拍裸照竟然傳送到男友人嘅手機。事後OL覺得事件有可疑,認為自己酒量唔差,應該係被兩男友人落藥,並侵犯後將大便同嘔吐物塗喺佢身上,因此向兩男友人提告。

ol 台灣 過量飲酒好容易唔小心飲出禍
過量飲酒好容易唔小心飲出禍(圖片來源:劇集《我要準時下班》劇照)

事件真相大反轉 OL提告唔成功

2名男子被告後堅決否認所有指控,男子表示佢哋同OL特別開咗兩間房,並指出因為女子飲太多而去咗廁所嘔吐,仲嘔吐喺男子嘅身上,男子覺得嘔心就先返自己房清潔,後來再到女子房間查看先發現OL下半身半裸喺廁所大便仲要嘔吐到亂七八糟,瞓喺一堆屎入面。其後經過醫院採證驗傷都未驗出OL有任何嘅毒藥物反應,經台北地檢署調查後發現,女子所講嘅糞便同嘔吐物應該係女子飲醉後喺排泄物上打滾而造成,因此2男罪證不足,事件應該係女子酒後「發酒癲」而成,傳送照片亦可能係酒醉後誤傳,檢察官因此最後處分不起訴。

台灣 OL最後疑為酒後「發酒癲」,因此兩男子處分不起訴。
OL最後疑為酒後「發酒癲」,因此兩男子處分不起訴。(圖片來源:劇集《愛回家之開心速遞》劇照)

關鍵詞
台灣OL
圖片來源:劇集《氣象廳的人們》劇照, 劇集《愛回家之開心速遞》劇照, 劇集《我要準時下班》劇照

YOU MAY ALSO LIKE ...