台灣

台灣29歲女酒駕撞死人 表示:有錢能任性

熱話

廣告

台灣21日凌晨一名29歲林姓女子喺酒後駕駛一架BMW開蓬跑車,喺新北市淡水區撞死一名道路工人,其後被網民爆料發現,事主經常性喺社交媒體上炫富同發表不當言論。

台灣 林女喺Facebook上同紋身男合照
林女喺Facebook上同紋身男合照(圖片來源:[email protected]林女)

女子酒後駕駛 做錯事仲要惡劣態度

林女喺事發當晚同友人喺台北市吉林路某台菜餐廳飲酒,其後載28歲黃姓女友人到淡水住處途中撞死54歲方姓道路工人。當場被目擊者指控撞死人嘅林女仍想逃跑,不但因為酒醉問題連落車都企唔穩,更加喺被指責時仲大聲咆哮,表現出對於奪命車禍毫不在意嘅惡劣態度,自以為是嘅態度令人不恥。消息被迅速傳開之後林女立即被人肉搜。

台灣 29歲林姓女子喺酒後駕駛一架BMW開蓬跑車
29歲林姓女子喺酒後駕駛一架BMW開蓬跑車(圖片來源:[email protected]今日新聞)
台灣 林女嘅BMW開蓬跑車
林女嘅BMW開蓬跑車(圖片來源:[email protected]今日新聞)

Facebook稱「有錢就能任性」

林女被人爆料之後,網民發現林女經常會喺Facebook炫富。林女喺Facebook自稱畢業於北京服裝學院,仲貼文表示:「男女不拘、缺錢、有野心,想賺錢來找我吧。」自稱只要加入佢公司就可以同佢一齊到外地工作,月入可達6至8位數字,仲包食包住包機,一邊工作一邊度假:「有錢就能任性,有錢就是王道」,令網友相當懷疑佢所從事嘅工作。不過林女被發現喺8年前21歲嘅佢就曾經因為酒駕被查獲,亦有毒品、詐欺刑案記錄,林女喺社交媒體經常秀出大疊美金炫富,雖然佢自稱「自由業」,但有如此高嘅收入,網民懷疑林女從事詐騙或境外伴遊嘅工作。

台灣 Facebook秀出大疊美金
Facebook秀出大疊美金(圖片來源:[email protected]林女)

關鍵詞
台灣酒駕
圖片來源:[email protected]林女, [email protected]今日新聞

YOU MAY ALSO LIKE ...