利是

你估利是唔使追通漲? 港男開Post鬧人派$20利是 網民:$20+1當帛金俾你

熱話

廣告

農曆新年,又名「法定搵快錢日」,只要大家厚顔無恥一點,見人就拜年,輕輕鬆鬆就袋得一大堆利是。香港竟有一名獨具慧眼的專家看準這個商機,特意單身二十年,諗住逗利是發大達。點知逗足咁多年都係$20一封,激到佢要上網聲討! 一眾網民看似不睇好這個商機,紛紛留言反擊(曲)。

撰文:酒啊九叔 | 圖片:FACEBOOK截圖

港男開Post鬧人派$20利是 網民:$20+1當帛金俾你囉

這名新春賞金獵人,二月九日下午吉時於 巴打絲打 Facebook Club開Post,大串2019派利是仲派緊$20嘅蟻民。其實單從Post上達70個字都看得岀樓主真係好嬲,唯一欣慰嘅係佢成段字都無粗口,算係比較沒咩教養中的一點教養。加上從字𥚃行間,看得岀樓主對香港經濟有一定深度的了解,看來並非(化糞)池中物。

這個Post一下子便吸引了3300個like,3500留言以及184個分享!當然啦,所謂講錢張錦程,仲要講利是𠻹,一眾網民立刻絕地分擊,群起而攻之!

大批網民在新春喜慶節日以愛關心樓主心理健康:

「唔好放棄治療,準時食藥,支持你」

「你係唔係精神有問題? 冇食藥就唔好亂講嘢啦, 你真係比街邊啲乞兒好過比你, 返去青山啦!」

「樓主個頭可能係空心」

事實係殘酷,但又講得啱:

「重點係:廿年後樓主仲收緊利是,睇黎唔知醜果個係樓主」

「咁我祝你年年都有利是逗,唔洗派利是」

「樓主只值得比20蚊利是,自己檢討下點解」

講講下仲有幣少的支持者岀現,嘩乜咁齊人啊!

「你咁有型咪學人去深水埗飛下錢落街囉, 你放心廿蚊都好多人捧場」

利是呢家嘢,意頭嚟㗎啫,何必咁執著,新年都係人人平安健康最重要。

YOU MAY ALSO LIKE ...