婚鬧

內地婚禮玩大咗 新郎玩到腳都斷 反應仲要一笑置之

熱話

廣告

內地同香港結婚都有一個傳統習俗就係要玩新郎、新娘,而經常都聽聞內地有唔少貪玩的婚禮會因此玩出禍,例如用滅火筒狂噴差啲險死、伴娘同新郎玩一啲過份親暱的遊戲等。今次再誇張,新郎玩到腳都斷,反應仲要一笑置之?

婚鬧
(圖片來源:weibo@武漢廣播電視台影片截圖)

婚前玩新郎玩到腳斷

發生於內地的江蘇徐州,一對新婚夫妻結婚時的影片被內地瘋傳,影片中新郎右腳受傷,整個小腿位置套上膠架固定,由友人扶著一拐一拐咁樣完成婚禮,場面狼狽。表面上以為係好溫馨,就算新郎也堅持完全婚禮,但原來背後係因為婚禮前一晚的「玩新郎、新娘」,又有稱「婚鬧」、「鬧喜」玩大咗!根據內媒報導,唔知是否內地新玩法,新郎被一位200幾磅的朋友壓住,腳因為承受唔住體重倒下,扭傷導致骨折。因為婚禮舉行在即,所以睇唔切醫生,打唔切石膏,第2日就硬着頭皮咁舉行婚禮。雖然搞成咁,但新郎同新娘都表現非常樂觀,新郎仲指咁樣令佢有一個難忘的婚禮,一世都記得。

婚鬧 新婚夫婦樂觀面對
新婚夫婦樂觀面對(圖片來源:weibo@武漢廣播電視台影片截圖)
婚鬧
(圖片來源:weibo@武漢廣播電視台影片截圖)
婚鬧 新郎要兄弟扶住先行到路
新郎要兄弟扶住先行到路(圖片來源:weibo@武漢廣播電視台影片截圖)

重溫其他內地婚鬧:玩滅火筒噴到無命

內地婚鬧一向玩得大,隨時玩出人命,早前用滅火筒玩姊妹就最轟動!廣東江門一班兄弟玩姊妹團,用滅火筒對住成班姊妹係咁噴,如果唔係及時閃躲玩到命都無。其實滅火筒真係唔可以亂玩,滅火筒噴出的化學物,係可以誘發哮喘發作,同埋大量吸入係會導致窒息。

婚鬧 被滅火筒嘖到整個人變白色
被滅火筒嘖到整個人變白色(圖片來源:weibo@梨視頻)
婚鬧
(圖片來源:weibo@梨視頻)
婚鬧 一班兄弟落力玩滅火筒
一班兄弟落力玩滅火筒(圖片來源:weibo@梨視頻)

圖片來源:weibo@梨視頻,weibo@武漢廣播電視台影片截圖

YOU MAY ALSO LIKE ...