停電

分娩時突然停電 醫生失手切斷男嬰耳朵

熱話

廣告

現今醫療科技進步,但女性生產仍然都係一件痛苦又危險嘅事,所以需要一再謹慎去處理。而日前喺墨西哥就發生咗一件恐怖嘅醫療意外,19歲墨西哥女子卡拉(Karla Urizandi)喺接受剖腹產時突然遇到停電,當時卡拉十分慌張要求停止手術,但醫生堅持手術繼續進行,最後兒子胡安(Juan Adriel Solis)雖然順利出世,但因喺昏暗環境下手術,醫生失手將嬰兒嘅耳朵割斷。

停電 19歲墨西哥女子卡拉Karla Urizandi)喺TikTok上講出事發經過。
19歲墨西哥女子卡拉(Karla Urizandi)喺TikTok上講出事發經過。(圖片來源:[email protected]

醫生不理勸阻

卡拉因為太生氣,所以將事發影片放上網,影片曝光後,網友都認為非常恐怖。根據卡拉嘅說明,佢喺下加利福尼亞州(Baja California)當地嘅醫院進行剖腹產,進入手術室後唔夠10分鐘突然停電令卡拉十分之不安並希望醫生暫停或延遲做手術,不過醫生竟然唔聽卡拉嘅勸告,執意要繼續開刀完成手術,停電期間醫生只用3部電話作燈光照明就繼續進行手術,而當時因為院方承諾手術房有另外嘅照明系統先同意可以繼續開刀,點知原來所謂嘅照明系統竟然係指三部手機電筒。

停電 停電期間醫生只用3部電話作燈光照明。
停電期間醫生只用3部電話作燈光照明。(圖片來源:[email protected]
停電 卡拉十分之不安並希望醫生暫停或延遲做手術,不過醫生竟然唔聽卡拉嘅勸告。
卡拉十分之不安並希望醫生暫停或延遲做手術,不過醫生竟然唔聽卡拉嘅勸告。(圖片來源:[email protected]

男嬰耳朵遭切斷

一陣之後卡拉聽到寶寶嘅喊聲,卡拉一直問嬰兒嘅情況如何,但在場無人回答佢,過咗一陣,佢丈夫先匆忙告知卡拉醫生喺幫嬰兒切除血管瘤時意外割斷左耳。事件爆發後,卡拉相當不滿醫生嘅做法,已經向當局提出起訴,希望可以沉冤得雪。

停電 醫生喺幫嬰兒切除血管瘤時意外割斷左耳。
醫生喺幫嬰兒切除血管瘤時意外割斷左耳。(圖片來源:[email protected]

YOU MAY ALSO LIKE ...