中國仙氣女演員被命令嫁給「他」 直呼無奈
廣告
中國內地30歲女星子望曾經參演《最後的武林》、《獵魂》等等電影，近年由演員轉為網紅主播，日前佢喺抖音上分享一件奇怪事。子望瞓醒發現被好耐無聯絡嘅朋友強勢求婚，而該男子由頭到尾一直以擺高姿態命令式嘅語氣同子望溝通，要求兩人「政治聯姻」，並表示：「你別以為現在長得漂亮就各種作妖」，離奇嘅說話令子望直呼無奈。
男子命令式語氣要求子望結婚
子望喺抖音上分享對話，男方喺好耐無見之下嘅第一句就係要求子望同佢結婚，並命令佢同父母將嫁妝準備好同埋唔好太貪心，不屑表示：「別以為現在長得漂亮就各種作妖，色衰則愛馳，早點著落」更加以一副高高在上嘅口吻強調：「妳以為老子不出錢，誰佔妳便宜，我反正有錢有閒。」男方表示同子望結婚嘅基礎唔建立喺根本嘅感情上，而喺一場生涯規劃同策略，要求子望「早點結盟」甚至話子望嫁比佢會「賺到半夜都會笑醒」。
無言嘅對話內容引網民熱議
男子自以為是嘅言論令子望頂唔順回應：「你少在這精神污染我」網友睇完都表示相當無奈，紛紛留言表示：「他這兩天沒按時吃藥嗎？」、「隔著銀幕都能感受到了濃濃的自信氣息」、「不用半夜笑醒，現在大家就都笑拉了，太賺了」，子望都不禁讚嘆男子：「句句經典，普信頂流」。
圖片來源：微博＠子望, 抖音＠子望
