中國

中國地鐵開聲睇片 少女被開「罰單」?

熱話

廣告

好多時候喺巴士、地鐵都會聽到有啲乘客會唔理其他人而將手機喇叭音量較大再聽歌或者睇片,呢啲行為對其他人會做成好大嘅滋擾,不過喺香港咁做並唔會觸犯法例,除咗提醒一下對方音量過大嘅問題就無其他辦法。但原來喺中國內地已經有相關法律去對付喺公共交通工具上製造噪音或影響他人嘅行為,近日仲成為咗熱門嘅討論話題。

中國 網上流傳一段名為《女子乘地鐵手機聲音外放被開罰單》嘅影片。
網上流傳一段名為《女子乘地鐵手機聲音外放被開罰單》嘅影片。(圖片來源:微博@都市報導)

女子喺地鐵因為大聲睇片被罰?

近日,網上流傳一段名為《女子乘地鐵手機聲音外放被開罰單》嘅影片。片中稱事發地點喺江蘇南京嘅地鐵入面,有一名女子因為使用手機時未有將音量調至靜音或者使用耳機,所以聲音十分滋擾,同時恰好被巡邏嘅地鐵工作人員見到,於是就開咗一張「罰單」比女子。後來由於網上回響太大,南京地鐵方面都澄清當時女子收到嘅只係南京地鐵為咗倡導文明乘車而製作嘅「告知單」,而唔係傳聞中嘅「罰單」。

中國 一名女子喺地鐵因為使用手機時未有將音量調至靜音或者使用耳機,疑被鐵路職員閞罰。
一名女子喺地鐵因為使用手機時未有將音量調至靜音或者使用耳機,疑被鐵路職員開罰。(圖片來源:微博@都市報導)

中國已經有相關法規

雖然今次事件女子並無真正被罰,但早喺2019年,中國交通運輸部就發布咗《城市軌道交通客運組織與服務管理辦法》以要求乘客使用電子產品時唔可以發出噪音。而對於唔遵守乘車規範嘅乘客,營運單位係有權制止或通報有關部門依法處理。唔少網民更稱之為德政,唔知香港又幾時會有相關管制呢。

2019年,中國交通運輸部就發布咗《城市軌道交通客運組織與服務管理辦法》以要求乘客使用電子產品時唔可以發出噪音。
2019年,中國交通運輸部就發布咗《城市軌道交通客運組織與服務管理辦法》以要求乘客使用電子產品時唔可以發出噪音。(圖片來源:中華人民共和國中央人民政府網站截圖)

圖片來源:微博@都市報導, 中華人民共和國中央人民政府網站截圖

YOU MAY ALSO LIKE ...