《狐忍》再連載! 劇情大解構

日前《狐忍》(大家都叫慣《火影忍者》)嘅作者岸本就發表最新嘅《狐忍》外傳漫畫——「第七火影與緋紅色的花月(暫譯)」,粉絲係咪好興奮呢?就等我哋第1時間同大家做個簡單解構。(注意:以下內容嚴重透劇)

text-專題組 photo-網上圖片

故事主角已經由鳴門同佐助轉咗落佢哋嘅下一代——鳴門個仔「うずまきボルト」(暫譯為「博人」)同佐助個女「うちはサラダ」(暫譯莎拉娜)身上。

 

一開始講忍者學校畢業考試將近,各同學都返去準備。

 

跟住就交代舊主角同佢哋下一代嘅親子樂,好似鳴門就同博人練功兼捉迷藏,佐井同佢個仔練忍術,鹿丸父子就鬥氣,都幾好笑。

 

 

 

 

 

跟手到今期戲肉喇!如果係忠粉嘅話,應該重記得《疾風傳》最終章交代佐助同小櫻生咗個女莎拉娜,今次外傳第1期就講,莎拉娜疑似係另一位喺《疾風傳》暗戀佐助嘅女忍者—-香磷生嘅。嘩!!!!簡直峰迴路轉!

 

 

 

 

 

 

睇最後一頁,佐助出現,好靚仔呀!

內容延讀:

合味道妹「天使般的美少女」橋本環奈 (16P)起底圖鑑

全球首個!與海賊王並肩冒險 《One Piece》3D畫展

【氣質美女】2015你要識嘅女生 中條彩未

其實今次外傳「明」係為話咗8月7日喺日本上影嘅新劇場版《Boruto Naruto The Movie》造勢,內容都係以博人同莎拉娜做主角。但我諗岸本「暗諫」都想試水溫,如果受歡迎,外傳咪變第3部囉!又好似《龍珠》咁悟空、悟飯、悟天死唔斷氣,作為粉絲嘅你,係開心定傷心先?

YOU MAY ALSO LIKE ...

There is 1 comment

Add yours
  1. 新Monday / 獨家專訪!《狐忍》舞台劇演員:做鳴門唔可以講大話 - 新Monday

    […] 《狐忍》(Naruto)話就話連載結束,但出版商又點捨得呢隻生金蛋嘅鵝?作者岸本齊史啱啱發表咗外傳漫畫,東京又有首個紀念結束連載展覽,重有亞洲巡迴舞台劇Live Spectacle《 Naruto-火影忍者》。繼東京站首演後,5月22日至24日將會移師澳門威尼斯人劇院公演。係咪好想去呢? 我哋獨家訪問咗飾演鳴門、佐助、小櫻、我愛羅嘅4位主角再加導演,大爆劇中趣事,重會率先發布東京演出劇照,等大家感受下個氣氛先。 (PS:大會會送出20張、每張價值$480嘅《狐忍》舞台劇飛,詳情請留意我哋facebook。) […]


Comments are closed.