【品味男人】森美、張繼聰都係Harley-Davidson愛好者!認識古董Harley+新手教學

【品味男人】森美、張繼聰都係Harley-Davidson愛好者!認識古董Harley+新手教學

常言男人天生愛車,好似冇得解,而且唔少男人更愛揸電單車。雖然有人話「皮包骨」,不過可能男人就係鍾意電單車嘅速度同自由感。最近,森美同張繼聰等人就經常相約揸電單車遊車河,當然講到他們嘅電單車,其實應該叫機車(Chopper),更加一定要玩Harley-Davidson,以為Harley-Davidson一定好貴?其實,機車都可以平玩!

撰文:Swagger|圖片:SOPHIA Cheung IG|編輯:海月|原文刊於:Swagger

上網搵古董Harley-Davidson 森美都是數月前上網睇電單車資料時才迷上電單車,他首先係購入Honda CB750作為操車之用,及後換了1981年生產的古董Harley-Davidson Shovelhead Flx,大概以11萬港元購入,由美國送抵香港後要去大修,之後就去運輸署出牌。當然對於新手或想入手朋友,呢個價錢未必個個玩得起。

森美這架就是1981年生產的古董Harley-Davidson Shovelhead Flx,大概11萬港元。想在香港玩這種古董車的話,大多數都是在外國網直接同賣家購入,或找香港車房幫手。

揸哈利前,森美購入Honda CB750作操車之用,大約2萬可以入到手,經濟有型,重可以自己改款。

 

張繼聰朋友這架都是Harley-Davidson,還改裝了不少地方。

新手平玩Honda Manga 250 (VF250)

(圖片來源:Motobcycleusa)
(圖片來源:Motobcycleusa)

據車友所講,非正式統計Harley-Davidson在香港被偷率是最高的,而價錢亦不是個個負擔得起。推介新手可先玩日本車,Honda Manga 250 (VF250) 是入手款之一。94年中推出,是Magna 750的細佬,定位是輕型美式巡航車,所以外形一點都唔輸人,只是馬力較細(只得250cc),03年頭Honda再度改良Magna 250,賦以新車花及廢氣質素符合歐盟二期的嚴格要求,最重要是價錢平,大約$13,000-$20,000已可輕鬆入手。大家都可上www.ibike.com.hk搵得到。

講到外形絕唔失禮,雖然馬力細點,但輸人唔輸陣。 Honda Magna 250好玩在,好多地方都可以改裝,價錢平亦是重點。

 

水貨車要注意 當然,玩到咁上下,真係想整部Harley-Davidson的話,除了在香港找外,亦可上網,但要注意以下事項。因為一部水貨車來港,需要經過3個政府部門批核,才可獲牌出街行駛。 首先要準備所有相關文件,例如車輛在原有地的牌簿及車價等,供海關打稅之用。 然後再交車到環保署及運輸署,分別為廢氣量及引擎規格等方面作檢驗,整個繳稅及檢查過程都要花費(運輸費另計),然後等約3個月時間靜待出牌。

【品味男人】森美、張繼聰都係Harley-Davidson愛好者!認識古董Harley+新手教學
(圖片來源:ebay)

 

上網想搵架古董Harley-Davidson真係唔難,不過重郁唔郁得就真係要問清楚。

送到香港的程序,可以搵相熟車房代辨。

 

 

森美架車到港後,都重要執返靚仔先可以出街。

YOU MAY ALSO LIKE ...