剖析你嘅戀愛觀!日本爆紅「士多啤梨蛋糕心理測驗」、第一口由邊到開始食?

剖析你嘅戀愛觀!日本爆紅「士多啤梨蛋糕心理測驗」、第一口由邊到開始食?

唔少人對於星座呢回事都會「1516」,不過對於「心理測驗」唔少人都會抱「不妨試下做」嘅心態大膽挑戰。日前日本就有一個爆紅嘅「士多啤梨蛋糕心理測驗」,唔少人試過後都大叫超準,到底詳情係點?即刻睇睇!
撰文:海月|圖片、資料來源:woman excite

日本爆紅「士多啤梨蛋糕心理測驗」

平時食蛋糕時,唔少人都有唔同嘅進食習慣,但原來食第一口嘅習慣,可能同你嘅戀愛觀有關!你食第一口時,又會從邊到開始呢?詳細答案盡喺下方!

(圖片來源:woman excite)
(圖片來源:woman excite)

A:蛋糕嘅尖端

B:蛋糕嘅背面

C:蛋糕上嘅士多啤梨

D:蛋糕嘅側面

揀好就可以往下睇解析囉!

.

.

.

.

.

.

.

.

.

.

.

.

.

.

.

.

.

.

揀A蛋糕尖端嘅你:

個性較溫柔,而且包容力亦相當高,喺感情世界中你於「不求回報型」。同人拍拖戀愛時,你總係不求回報,但求「對方開心,你就開心」,習慣咩都將另一半放喺第一位。不過其實因為太重視對方,反而經常忽略自己嘅感受。不妨試下喺感情中搵到平衡點,因為愛情係雙向,良好嘅溝通先可以令愛情長久!

 

揀B蛋糕背面嘅你:

你屬於「努力積極型」,每當遇到鍾意嘅人就會展開熱列追求,為達到目的更會不計較付出,務求將自己最好一面俾對方看見。雖然熱情係好,不過太過火反而隨時會令人反感及感到壓力,不妨放寬心順其自然可能更有好結果!

 

C蛋糕上士多啤梨嘅你:

先食士多啤梨嘅你,係一個「一拍拖就會深深陷入」嘅人,屬於「渴望被愛型」。你不但會付出全部嘅愛,而且對另一半需求感亦相當高,希望另一半亦會將你擺喺第一位。如果對方無俾到你足夠嘅信賴同安全感,你就會容易胡思亂想,同時為對方帶嚟壓力。

 

揀D蛋糕側面嘅你:

 

側面食起嘅你,愛情上性格比較膽怯,就算遇到鍾意嘅對象都只會偷偷關注,唔敢有所行動。而且更會喺腦中腦補一啲戀愛情節,但往往二人唔交流下難以開花結果,屬「單戀幻想型」。所以認清現實嘗試勇敢行動,先係上策!

YOU MAY ALSO LIKE ...