愚人節玩笑都可以成真！三哥出「10小辣美白面膜」 、Uber Eat玩送外賣俾Frd
三哥愚人節堅出「10小辣美白面膜」
剛剛白色情人節譚仔三哥就出家「3小辣豬古力」，估唔到到今年愚人節，譚仔三哥竟然將去年2019年嘅愚人節惡搞延續！2019年4月1日，當時三哥開了一個玩笑指將會推出「10小辣面膜」，結果一個愚人節笑話令到全城關注，大家得知係愚人節惡作劇後都好失望，更請求三哥認真考慮推出，結果今年三哥愚人節堅出「10小辣美白面膜」！
「10小辣美白面膜」大有來頭
經過兩年秘密研發，三哥破天荒聯同100%手工製作嘅本地知名個人護理品牌「平凡媽媽」合作，終於喺今年愚人節成功推出「10小辣美白面膜」。而且「10小辣美白面膜」全天然手工製作，特別加入「辣木籽精華」緊緻肌膚收緊毛孔，蘊含豐富植物性保水成分美白補濕，抑制黑色素同時提亮膚色、清爽水潤。而且三哥更表明「香港製造」，真係非一般嘅愚人節禮物！
三哥為咗今次愚人節「玩笑成真」，隆重其事專程找來經常參與「試當真」演出嘅連登女神Jessica Chan，連同5位口罩姐姐一齊用「譚仔姐姐」口音拍攝廣告：皮膚可以「巧似劉演同墨演咁彈」，非常搞笑！
愚人節一日限定！想要趁手！
想要今次玩到咁大嘅「10小辣美白面膜」其實唔難，只要喺今日4月1日愚人節當天惠顧譚仔三哥，就可以+$18換購「10小辣美白面膜」一塊。不過數量有限，想要真係要快手！
Uber Eat陪你玩食物
朋友突然收到一條訊息，顯示「暴龍」正前往佢嗰到，到底係咩一回事？每年4月1日都係「攞正牌」整蠱朋友，今年Uber Eat都決定玩埋一份，今次Uber Eat俾大家可以用「愚人節送餐」俾朋友，仲可以訂餐時加入問候字句！好似「驚喜嗎？」、「愚人節快樂！」等，等到收外賣嘅朋友知道係咩一回事！
另外，「愚人節送餐」更可以用埋Uber Eats最新推出嘅「分享送餐資訊」功能，等大家即時睇到「幫朋友」叫嘅外賣送到去邊。而且部份餐廳更將食物名惡搞，好似 「暴龍」原來係「Jacomax」嘅一款薄餅、 「美味群組」係Big Birdy嘅雞絲牛油果三文治、「青檸白淨」同「混濁IPA小鮮肉」原來係「齊柏林熱狗店」及「李好純」嘅飲品，真係玩味十足。
愚人節一日限定優惠
想用Uber Eat去「整蠱」人其實又唔係真洗好貴嘅，因為新用戶只要輸入優惠碼 「eatsfoolyou」，就可以首單享有半價優惠，最多可獲HK$60減免。不過就只限今日4月1日使用，用須於付款前選擇優惠先用到㗎！
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
