【婆媳紏紛】奶奶為逼新抱生仔 偷上新居將家貓「放生」 網民：根本就係癡線！
【婆媳紏紛】老一輩嘅觀念同新一代有衝突確實係難以避免，但如果有些行為太過分，紛紛中拆散成頭家。一名女網友日前於網上討論區撰文控訴，自己奶奶竟為了「有孫抱」偷配鎖匙到自己新居，殘忍地將佢由細到大養嘅愛貓遺棄至後山，令她及丈夫極度震怒。
撰文：神仙b｜圖片：TVB、香港討論區截圖｜編輯：海月
養得寵物就要預好照顧佢地一生一世。如果自己嘅寵物被人傷害，主人們都會痛不欲生。如果傷害佢地嘅係你嘅親人，更係會有被背叛嘅感覺。
一名女網友日前在香討發文指責奶奶，佢稱奶奶竟為了「有孫抱」，自己偷配鎖匙到其新居；佢以執拾屋企為由，趁該女網友唔喺屋企，殘忍地將網友嘅愛貓「放生」至後山。奶奶嘅做法令她及丈夫極度震怒，但可憐嘅係佢地嘅愛貓目前仍下落不明。
女網友透露，佢奶奶一直不滿佢地夫妻養貓，覺得佢哋唔生仔就係因為「養貓所以唔生仔」。其實佢哋預計好唔想生小朋友，但奶奶為咗自己一己私慾，將所有不滿都投放於無辜嘅貓貓身上。
佢與丈夫剛剛裝修完新屋，現時正在清理中；為了先讓愛貓適應新環境「唔使咁驚」，遂帶牠到新居先行居住。事主本身都好驚奶奶搞我隻貓，故一直都唔想畀佢上屋企，佢上屋企一定要有我同老公喺度先畀佢上。
然而，奶奶近日非常反常地表示想去新居「執吓嘢」；事主與丈夫都有所警覺，一直沒將鎖匙交出。怎料，奶奶卻竟然成功以一招偷配鎖匙，潛入兩人新居趕走貓貓。
最終找不回貓貓 奶奶無理指責令事主理智崩潰
事主最終因為於後山尋貓數小時仍不見蹤跡而感到傷心難過，佢說：「我返到去老公已經返到屋企，奶奶仲指住我鬧，話我好反鎖佢喺屋企……我已經立即問佢點解要放走隻貓，佢話驚隻貓整爛啲新嘢，又話咁係為我哋好，唔好養貓生仔啦，養貓對個仔唔好，一邊數臭我隻貓，一邊鬧我，一邊又叫我生仔。」
回想到奶奶殘忍嘅害貓行為和對自己無理的指責，佢理智線斷裂，當下忍唔住一巴車咗奶奶度！佢補充：「隻貓我由細養到大，我全家都好鐘意佢，當咗佢係屋企人，我結婚嗰時已經同老公講隻貓我一定會養到佢百年歸老……點知就比奶奶放生去後山……佢咁老真係捱唔到幾多日……」
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
