街頭小食日日新款!4架 美食車 限時停泊旺角家樂坊!

飲食

廣告

美食車雖然推出咗咁耐,但係好多人都未見到佢哋嘅真身。但 野生捕獲到其中一架美食車進駐旺角核心購物區!原來佢哋首次同商場合作,一連 4日,4架 美食車 會輪流停泊喺家樂坊地下,等大家喺旺角掃街頭小食之餘,不忘品嘗美食車特色美食,了解吓本地旅遊美食文化!

(Presented by Gala Place)

01|七桌子 黯然銷魂堡

睇過星爺都知咩叫「黯然銷魂飯」。咁用菠蘿包夾住太陽蛋同叉燒嘅「黯然銷魂漢堡」又見過未呢?美食車「七桌子」就喺 11月 2日 搶閘登陸家樂坊!除咗咁銷魂嘅漢堡,仲有狂牛漢堡、鐵板牛柳粒,創意得嚟又有香港風格,可以一試啊!

火焰芝士熱狗夠晒吸引!芝士火炙後香噴噴,包住大大條法蘭克福腸,再加埋超多醬汁,味道豐富。

02|菠蘿仔鮮忌廉菠蘿包

第二日,11月 3日會由美食車「菠蘿仔」壓袖坐鎮。招牌菜菠蘿包並非普通嘢, 以日本麵粉同法國牛油製造,仲有真‧菠蘿做餡。連薯片叔叔食過都話好呢!今次有機會一定要試試吧!

03|有得餃 五色餃子

食白色餃子食到有啲悶,11月 4日停泊嘅美食車 – 「有得餃」就出名賣5色餃子。白、黃、綠、紅、紫, 5 隻色寓意五代同堂,每一隻都有唔同味道。好似紫色嘅紅菜頭皮,香荽木耳豬肉餃就夠晒特別!

 

04|Beef & liberty手撕豬肉漢堡

食完「黯然銷魂漢堡」都未夠?Burger 愛好者不妨喺11月 5日試埋美食車「Beef & liberty」嘅招牌漢堡。每個漢堡由食材到烹煮都非常講究,卡車漢堡採用英國Wicks Manor的煙肉同蘇格蘭草飼牛肉,就連芝士都採用溶點低嘅瑞士的Raclette芝士,避免煮過火。

美食車 詳情

地點:家樂坊地下

日期:2017年 11月 2日 至 5日

營業時間:12nn-10pm