【中忍考試重現!】最新 火影忍者 劇場版預告片分析

電視

廣告

出咗幾期嘅《 火影忍者 (狐忍)外傳)大家有無追呢?最初傳聞要出外傳,就係為咗捧主角鳴人個仔博人(Boruto),同佐助個女莎拉娜,以為即將上影嘅新劇場版《BORUTO﹕NARUTO THE MOVIE》造勢。點知外傳中博人只出得2個鏡頭、莎拉娜亦只係大配角,主角仍然係鳴人同佐助…好彩!今次劇場版條預告片,就可以見到博人一個人兼習螺旋丸同千鳥,學晒鳴人同佐助2位主角嘅絕招,威威!

text-專題組

拜咗佐助為師嘅博人,又螺旋丸又千鳥,唔知重以為佢先係佐助同鳴人嘅愛情結晶品。

鳴人絕招之一影分身,佐助用大家又見過未?

呢次劇場版,岸本老師好聰明亦好穏陣,因為睇預告片,佢以粉絲最愛嘅一段故事–中忍考試為故事骨幹,講述博人同一眾新世代嘅忍者參加中忍考試,打到七晒彩。

預告片中就有凱嘅徒孫、李洛克徒弟出場,睇個look就一定認得。

重有佐助個女–莎拉娜。由於外傳已講到佢開咗初級寫輪眼(一粒逗號),忍戰就梗用寫輪眼上場啦!

呢位???新角色,睇預告好似幾利害。

內容延讀﹕

睇完《火影》再搶埋賤熊1:1限制級對白發聲公仔

率先試食Minions香蕉味爆谷 有得睇、有得食重有得玩添!

最終大佬亦喺預告片登場﹕一睇佢對眼就知佢係大筒木輝夜及羽村嘅後人。

其他嘅影都有出現,不過當然係大咖,最終都係要佐助同鳴人打最後大佬。

今次明捧新一代嘅博人同莎拉娜做主角,唔知會唔會行《龍珠》條路,悟飯擔唔到大旗,要搵返悟空嚟救市呢?