周潤發初會張家朗大談人生 發哥零架子依然幽默

流行娛樂

廣告

東京奧運金牌得主張家朗與周潤發近日獲DIOR邀請,兩人在鏡頭前大談人生閱歷,而家朗開頭都直然自己十分緊張,能夠近距離接觸到自己的偶像十分榮幸,兩人在過程中都互帶高帽,發哥零架子的風範依然十分出彩,令一眾觀眾睇都大讚兩位真性情。

周潤發初會張家朗大談人生 發哥零架子依然幽默

香港電影巨星周潤發和東京奧運金牌的得主張家朗,在日前應DIOR邀請進行了首次對話。周潤發在對話一開始就超幽默地說:「今日好高興見到我個偶像阿朗,一黑一白,黑白雙煞,我好少望人咁望(抬高頭 ),好唔忿氣,有人竟然高過我。」

發哥亦談到對張家朗的第一印象,並且表示張家朗在東京奧運上的表現,令自己都有衝動想學花劍:「第一次見佢,比我想像中靚仔、溫文有禮。螢幕見佢打金牌嗰次,最難忘嗰一下就係過咗身邊仲可以倒劍,好瀟灑。我對花劍呢樣嘢就唔係好熟悉,不過我見到佢打得好瀟灑,所以我都有衝動想學花劍。」

周潤發張家朗 周潤發 發哥在訪問一開始就大搞氣氛,話好少要抬高頭望人。
發哥在訪問一開始就大搞氣氛,話好少要抬高頭望人。(圖片來源:DIOR影片截圖)
周潤發張家朗 周潤發 發哥又扮張家朗耍花劍嘅經典一幕
發哥又扮張家朗耍花劍嘅經典一幕(圖片來源:DIOR影片截圖)
周潤發張家朗 周潤發 張家朗表示第一次見到發哥好緊張,不敢相信發哥就在自己面前。發哥就搞笑地回覆道:「你想見我,得閒上山就可以見到我。」
張家朗表示第一次見到發哥好緊張,不敢相信發哥就在自己面前。發哥就搞笑地回覆道:「你想見我,得閒上山就可以見到我。」(圖片來源:DIOR影片截圖)

周潤發大讚張家朗年少有為

周潤發亦大讚今年只有25歲的張家朗已經衝出國際,比起當年25歲的自己更加厲害:「25歲嘅時候,應該係我拍緊《上海灘》;呢個後生仔1997出世,而家啱啱好25年,佢25歲喺世界上攞金牌,嗰陣時我仲喺香港搵食,佢已經衝出國際。雖然話我去荷里活拍戲,但我地只係去見識見聞,佢係去打仗,壓力好大,佢一生人就係為咗15分嘅拼搏。佢走嘅路程比我哋艱辛,所以我覺得佢哋好辛苦。」

周潤發張家朗 周潤發 周潤發亦大讚今年只有25歲的張家朗已經衝出國際,比起當年25歲的自己更加厲害
周潤發亦大讚今年只有25歲的張家朗已經衝出國際,比起當年25歲的自己更加厲害(圖片來源:DIOR影片截圖)

張家朗回想低潮鑽牛角尖

張家朗聽畢表示很有感觸,回想自己每次面臨低潮、鑽牛角尖的時候都會很難過,但每次都會因為香港精神而令自己不會輕易放棄:「希望喺我自己嘅比賽上可以畀香港人體現到呢種精神,同埋可以見到我就算去到奧運最後一分,都係唔放棄繼續堅持。無論比賽贏定輸都好,我都希望可以做好每一劍。」

周潤發張家朗 周潤發 張家朗表示每次都會因為香港精神而令自己不會輕易放棄
張家朗表示每次都會因為香港精神而令自己不會輕易放棄(圖片來源:DIOR影片截圖)

周潤發分享人生經驗:唔好覺得自己好高貴

張家朗在訪問中坦言在拍攝前曾經擔心因為發哥的巨星身份,而令自己會很大壓力,在訪問中頻頻出錯;但訪問開始後,發哥毫無架子地帶領著自己接受訪問,令自己在整個訪問過程中都很舒服。發哥表示大家都知道自己的出身,每個階層都會有出人頭地的人,每一個出人頭地的人都會由基層做起,所以香港人都對自己好好:「佢地都唔當我係一個演員或者明星,覺得周潤發就係佢老友咁!」

此外,發哥亦毫不吝惜地向張家朗分享人生經驗:「當你喺咁高嘅時候,你要將身段放番落嚟,所以教練教你,有脾氣時唔好喺嗰度發,打劍程序同人生一樣,當你輸緊唔好發火,低時要提起自己,唔好覺得好坎坷,高位嘅時候唔好覺得自己好高貴。」

周潤發張家朗 周潤發 發哥亦毫不吝惜地向張家朗分享人生經驗,鼓勵張家朗遇上瓶頸不要放棄,到達高處亦要保持謙虛之心。
發哥亦毫不吝惜地向張家朗分享人生經驗,鼓勵張家朗遇上瓶頸不要放棄,到達高處亦要保持謙虛之心。(圖片來源:DIOR影片截圖)
周潤發張家朗 周潤發 兩人最後更一起自拍留念
兩人最後更一起自拍留念(圖片來源:DIOR影片截圖)

張家朗曾被網民嘲「時裝車禍」

今次已經不是張家朗第一次與DIOR合作,早在張家朗在東京奧運奪金後,DIOR已經馬上邀請他擔任代言人。可是,當時造型照一出,竟然被網民嘲笑為「時裝車禍」,表示眼眉和髮型都出曬事。

周潤發張家朗 周潤發 網民稱張家朗這輯代言照為「時裝車禍」,「王小虎眉」和一身造型出曬事。
網民稱張家朗這輯代言照為「時裝車禍」,「王小虎眉」和一身造型出曬事。(圖片來源:IG@cheungkalonggggg)
周潤發張家朗 周潤發 有網民話同馬浚偉撞樣添!
有網民話同馬浚偉撞樣添!(圖片來源:Facebook@馬浚偉 Steven Ma)

圖片來源:IG@cheungkalonggggg、Facebook@馬浚偉 Steven Ma、DIOR資料或影片來源:原文刊於東方新地