Sogo感謝周必搶!10大特價護膚品套裝

熱話

廣告

作為1個女人,有乜嘢開心得過見到「Sogo Thankful Week」呢幾個字?冇錯,半年一度嘅Sogo Thankful Week又嚟喇,由5月15日開始至5月31日,大家又可以瘋狂咁掃晒平時唔捨得買嘅護膚、化妝品返屋企。不過識買嘅,就梗係揀最抵又實際嘅嚟買。今次我哋編輯部美容組,就特登幫你精選咗10個銅鑼灣Sogo有售嘅超值套裝,等你唔使左搵右搵。溫馨提示,部分限量發售,但冇限制都總有賣完嘅時候,有心水就不妨早啲去排隊!不過都係嗰句啦,睇住啲卡數啊!

text-Emily

1. Clinique Moisture Surge 水嫩保濕霜套裝 $365(原價$645
Clinique有咩王牌產品?梗係Moisture Surge啦!重使問嘅!尤其係而家呢啲咁熱咁「立」嘅天氣就最啱用。4樣產品加埋都唔使400蚊,唔買對唔住自己啦。

 

2.Valmont升效更新煥膚套裝 $2,000(原價$3,000),限量200
Valmont呢個貴婦牌,一直都唔係我呢啲凡人可以買得起嘅,但其實佢都有紆尊陳降貴嘅時候。今次呢款套裝平咗成千蚊,算係咁啦,重有埋更新煥膚面膜,未試過一定要趁機入貨,不過得200套,手慢少少都肯定冇!

 

內容延讀

終極再慳!6招抗通脹慳錢扮靚貼士

睇片學化妝!慳唔少

3.Sofina 美白防曬護膚套裝 $320(原價$720),只限517
講到防曬,識用嘅應該已經用緊Sofina,嚟到夏天就更加要狂入貨。今次呢個套裝除咗防曬,重有化妝水、乳液再加多支防曬嘅旅行裝,成日去旅行嘅你就啱晒 ﹗唔想排係「龍尾」,5月17日約定你﹗

 

4.Shu Uemura Yazbukey 王牌潔顏油套裝 $640-$670(原價$1,070-$1,100
如果閣下係植村秀卸妝油嘅粉絲,咁呢個套裝就一定係為你而設!平時1支450ml嘅卸妝油已經超過$600,而家加多兩支細嘅卸妝油,同埋精華素等產品,都只係600幾蚊,你真係忍到手?

 

5.SK-II 晶瑩剔透奇蹟套裝 $540(原價$927),只限515
SK-II神仙水,細細個就聽過啦 ,想試又覺得貴?今次機會嚟喇,呢個set係專為入門新手而設,樣樣王牌產品都有得試吓,500幾蚊抵玩啦!

 

內容延讀

終極再慳!6招抗通脹慳錢扮靚貼士

睇片學化妝!慳唔少

6.Helena Rubinstein植物幹細胞再生晚間精華套裝 $1,680(原價$2,821),限量200套
一見到個價錢,真係以為自己睇錯。因為$1,680正正就係1支植物幹細胞再生晚間精華嘅價錢,換言之,呢個set入面嘅其他產品,都係送俾你嘅,會唔會太開心?

 

7.Cle de Peau Beauté 煥活細胞精華奢華套裝 $2,500原價$3,430),限量300套
自從用過佢支柔膚水之後,就深深愛上咗Cle de Peau Beauté嘅產品。雖然係貴,但好用就乜都抵番晒啦。淨係支Le Serum都$2,500,其他又係送嘅﹗入面4款王牌面部產品,就連Body Cream都有,一次滿足幾個願望!

 

8.Lancôme 草本活膚日霜套裝 $560(原價$ 1,030)
呢個草本系列口碑唔錯,因為成份溫和,連比較敏感嘅皮膚都啱用。平時要千幾蚊嘅產品,今次平咗近一半,真係咪話唔益你!

 

9.Biotherm溫泉水潤保濕凝膠優惠套裝 $500(原價$1,011
你冇睇錯,總共係有8樣產品咁多,當中嘅溫泉水潤保濕凝膠同溫泉爽膚潔面霜,重係原裝size添。500蚊就可以拎咁多嘢走,Biotherm對粉絲真係好!

 

10.Bobbi Brown 持久耀目套裝 $400(原價$632),只限517
講咗咁多護膚品,點都要講返啲化妝品平衡吓嘅。眼影唔係日日搽,眼線我就一定日日畫。Bobbi Brown眼線gel就出晒名好好用,而家買兩個再送多個掃,都只係$400,入硬!

 

Sogo 銅鑼灣軒尼詩道555號 2833 8338

 

內容延讀

終極再慳!6招抗通脹慳錢扮靚貼士

睇片學化妝!慳唔少

 

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

There is 1 comment

Add yours

Comments are closed.